web counter
LEXO PA REKLAMA!

SHKARKO APP

App Store
Google Play

Shiste doza kokaine në Dhërmi/ Arrestohet 22-vjeçari

4 Mars 2026, 16:48, Kronika CNA

Shiste doza kokaine në Dhërmi/ Arrestohet 22-vjeçari

Policia e Vlorës ka vënë në pranga një 22-vjeçar, i cili u kap në flagrancë duke shitur doza kokaine.

Është arrestuar J. K. 22 vjeç, oi cili u kap duke shitur doza kokaine në Dhërmi dhe gjatë kontrollit në automjet iu gjetën po ashtu një armë pistoletë me municion dhe silenciator.

Ndaj tij rëndojnë akuzat për “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”.

 

Njoftimi i policisë

 

Vlorë/Vijojnë goditjet e njëpasnjëshme kundër shitjes së lëndëve narkotike dhe mbajtjes pa leje të armëve. 

Shiste doza Kokaine në Dhërmi, kapet në flagrancë me disa doza dhe me pistoletë sportive, në automjet, vihet në pranga 22-vjeçari.   

Sekuestrohen dozat e Kokainës, gati për shitje, dhe pistoleta sportive me silenciator.

Specialistët e Seksionit për Hetimin e Narkotikëve të Drejtorisë Vendore të Policisë Vlorë, në vijim të punës për goditjen e rasteve të shitjes së lëndëve narkotike, në doza, bazuar në informacionet e siguruara në rrugë operative, kanë goditur një tjetër rast të kësaj veprimtarie kriminale.

Shërbimet e Policisë ndaluan në fshatin Dhërmi, automjetin me drejtues shtetasin J. K.

Gjatë kontrollit fizik, shtetasit J. K. iu gjetën disa doza Kokaine, ndërsa gjatë kontrollit në automjet, u gjet një pistoletë sportive, me municionin përkatës dhe me silenciator.

Në përfundim të veprimeve procedurale, shtetasi J. K., 22 vjeç, banues në Dhërmi, u arrestua në flagrancë për veprat penale “Prodhimi dhe mbajtja pa leje e armëve të gjuetisë dhe sportive” dhe “Prodhimi dhe shitja e narkotikëve”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.





Lajmet e fundit nga