web counter
LEXO PA REKLAMA!

SHKARKO APP

App Store
Google Play

E fundit!

x

Shpërthimi në Fushë-Krujë/ Drejtoria e Burgjeve: Nuk cenon sigurinë apo jetën brenda perimetrit

29 Maj 2025, 10:36, Kronika CNA

Shpërthimi në Fushë-Krujë/ Drejtoria e Burgjeve: Nuk cenon

Drejtoria e Përgjithshme e Burgjeve ka bërë një reagim zyrtar në lidhje me shpërthimin e ndodhur mbrëmjen e djeshme në perimetrin e burgut të Fushë-Krujës.

Në reagimin e drejtorisë thuhet se lënda plasëse është hedhur në zonën e rrethimit të jashtëm, pranë rrugës kryesore, gjë që nuk cenon sigurinë e të burgosurve dhe të paraburgosurve.

Në reagim konfirmohet edhe njëherë se nuk ka persona të lënduar dhe dëme materiale.

 

“Rreth orës 21:00 të mbrëmjes së djeshme, në ambientet e IEVP Fushë-Krujë është dëgjuar një shpërthim brenda rrethimit. Menjëherë pas ngjarjes, janë njoftuar strukturat përkatëse: Policinë e Shtetit, Shërbimin e Kontrollit të Brendshëm të Burgjeve dhe Prokurorinë.

Nga verifikimet paraprake në vendin e ngjarjes, është konstatuar një gropë në tokë pranë zonës ku ndodhet gjeneratori, duke ngritur dyshime se shpërthimi mund të jetë shkaktuar nga një sasi e dyshuar lënde plasëse. Nga shpërthimi nuk ka asnjë person të lënduar dhe nuk ka dëme materiale.

Grupet hetimore ndodhen në ende në terren dhe po punojnë për zbardhjen e plotë të rrethanave të ngjarjes, si dhe për identifikimin e autorëve të mundshëm.

Nga të dhënat e deritanishme, rezulton se lënda plasëse është hedhur në zonën e rrethimit të jashtëm, pranë rrugës kryesore. Kjo zonë nuk ndikon dhe nuk cenon sigurinë apo jetën brenda perimetrit të brendshëm të të dënuarve dhe të paraburgosurve.

Pamjet filmike të sigurisë janë administruar dhe janë marrë në cilësinë e provës materiale nga grupi hetimor. Gjithashtu, po mblidhen pamje edhe nga kamerat e sigurisë në rrugët përreth, për të ndihmuar në identifikimin e autorëve.

Drejtoria e Përgjithshme e Burgjeve garanton siguri brenda regjimit të banuar nga të paraburgosurit dhe të dënuarit”, thuhet në reagim.





Lajmet e fundit nga