web counter
LEXO PA REKLAMA!

SHKARKO APP

E fundit!

x

Shkaktoi 187 mijë euro dëm/ Ekstradohet nga Gjermania i shumëkërkuari për mashtrim përmes call center-ave

20 Mars 2026, 11:03, Kronika CNA

Shkaktoi 187 mijë euro dëm/ Ekstradohet nga Gjermania i

Një tjetër fazë e operacionit ndërkombëtar të koduar “The Wanted” u finalizua me sukses, duke sjellë ekstradimin nga Gjermania në Shqipëri të shtetasit të shpallur në kërkim ndërkombëtar, E. L., 35 vjeç, i lindur në Tropojë.

Shtetasi E. L. dyshohet se, së bashku me anëtarë të tjerë të një grupi kriminal, përmes një call center-i, ka kryer mashtrime kompjuterike që i kanë shkaktuar qytetarëve dëme prej rreth 187 000 euro. Hetimet zbuluan 17 raste ose tentativa mashtrimi, të kryera gjatë vitit 2024.

Arrestimi dhe ekstradimi i tij u realizuan falë bashkëpunimit të ngushtë ndërmjet specialistëve të Drejtoria e Interpolit në Shqipëri dhe homologëve të Interpol Ëiesbaden në Gjermani.

Në korrik 2025, Gjykata e Posaçme e Shkallës së Parë për Korrupsionin dhe Krimin e Organizuar caktoi masën e sigurisë “Arrest në burg” për shtetasin E. L., për veprën penale “Mashtrimi kompjuterik”, si pjesë e veprimtarisë së grupit të strukturuar kriminal.

Ky operacion tregon edhe një herë efektivitetin e bashkëpunimit ndërkombëtar në luftën kundër krimit të organizuar dhe mashtrimeve online./ CNA





Lajmet e fundit nga