web counter
LEXO PA REKLAMA!

SHKARKO APP

App Store
Google Play

E fundit!

x

Sherr te Zjarrfikësja/ Punonjësi kërcënon me thikë dy kolegët

2 Maj 2024, 13:22, Kronika CNA
Sherr te Zjarrfikësja/ Punonjësi kërcënon me thikë dy
Foto ilustruese

Një sherr ka ndodhur ndodhur në Drejtorinë e Zjarrfikëses në Kavajë.

Punonjësi i zjarrfikëses, 52-vjeçari me iniciale T. R., ka kanosur me thikë pas një konflikti të çastit, dy kolegët e tij, të cilët ndodheshin në krye të detyrës.

Për këtë ngjarje, ka ardhur një reagim nga Agjencia e Mbikëqyrjes Policore, e cila bën të ditur se ka referuar materialet në Prokurorinë e Durrësit.

52-vjeçari akuzohet për kryerjen e veprës penale “Kanosje”.

“Agjencia e Mbikëqyrjes Policore (Rajoni Durrës) ka referuar në Prokurorinë pranë Gjykatës së Shkallës së Parë të Juridiksionit të Përgjithshëm Durrës materialet procedurale në ngarkim të punonjësit të MZSH-Kavajë, T. R., 52 vjeç, i dyshuar për kryerjen e veprës penale “Kanosje”.

Nga kryerja e veprimeve të para hetimore dhe deklarimeve të marra, rezulton se shtetasi T. R. ka kanosur me thikë pas një konflikti të çastit, dy kolegët e tij, të cilët ndodheshin në krye të detyrës.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të Policisë së Shtetit, Gardës së Republikës apo Shërbimit Zjarrfikës, duke telefonuar falas në numrin 08009090”, thuhet në njoftimin e AMP-së./ CNA





Lajmet e fundit nga