web counter
LEXO PA REKLAMA!

SHKARKO APP

App Store
Google Play

E fundit!

x

Tritoli në banesën e gjyqtarit/ Policia jep 30 mijë € shpërblim për informacione mbi autorin

30 Prill 2024, 12:35, Kronika CNA

Tritoli në banesën e gjyqtarit/ Policia jep 30 mijë €

Policia e Shkodrës ka dalë me një njoftim për tritolin në banesën e gjyqtarit Tonin Stërkaj.

Blutë kanë vënë në dispozicion një shpërblim prej 30 mijë eurosh për këdo që ka informacion në lidhje me autorin.

“Krahas veprimeve intensive të grupit hetimor, Drejtoria Vendore e Policisë Shkodër kërkon ndihmën e qytetarëve për identifikimin e shtetasit që shfaqet në pamjet filmike të sekuestruara. Për çdo informacion të vlefshëm që do t’i shërbejë hetimit, me qëllim identifikimin e autorit/ëve të rastit, DVP Shkodër vë në dispozicion shpërblimin 30 000 euro. Kushdo që ka informacion duhet ta dërgojë në numrin 069 41 05 436. Policia e Shtetit iu garanton anonimat të sigurtë. Drejtoria Vendore e Policisë Shkodër siguron qytetarët se është maksimalisht e angazhuar për të garantuar rend dhe siguri publike”, njoftuan uniformat blu.

Kujtojmë se në orët e para të mëngjesit të së hënës, në banesën e gjyqtarit Stërkaj u vendos një sasi lënde tritoli. Nga kamerat e sigurisë ka qenë një person që i është afruar banesës së gjyqtarit të Shkallës së Parë dhe pasi e ndez fitilin largohet me vrap. Shpërthimi ishte i fuqishëm, por fatmirësisht pati vetëm dëme materiale.

Dyshimet e para të ngjarjes lidhen me detyrën e Tonin Stërkajt, megjithatë nuk përjashtohen as pista të tjera. Pas ngjarjes, KLGJ e vendosi gjyqtarin në mbrojtjen e policisë për 6 muaj./ CNA





Lajmet e fundit nga