web counter
LEXO PA REKLAMA!

SHKARKO APP

App Store
Google Play

E fundit!

x

Shantazhonte qytetarë në rrjete sociale/ Përfundon në pranga 20-vjeçari në Tiranë

7 Dhjetor 2025, 12:51, Kronika CNA

Shantazhonte qytetarë në rrjete sociale/ Përfundon në pranga

Një 20-vjeçar është arrestuar nga policia pasi shantazhonte njerëz në rrjetet sociale duke u kërkuar nga 500 deri në 1000 euro, për të mos publikuar në rrjetet sociale fotot e tyre personale. Në pranga është vënë i riu E.M..

Nga veprimet hetimore ka rezultuar se 20-vjeçari, për një periudhë rreth 2-javore, në një rrjet social hapte profile false dhe gjatë komunikimit me persona të ndryshëm, siguronte prej tyre foto personale.

Në njoftimin e policisë thuhet se në datat 05.12.2025 dhe 06.12.2025, në mënyrë të përsëritur ai ka përfituar shumën 750 euro nga një 36-vjeçar.

Njoftimi i policisë:

DVP Tiranë/Finalizohet operacioni policor i koduar “Online Threat”.

Mashtronte shtetas të ndryshëm duke u kërkuar nga 500 deri në 1000 euro, për të mos publikuar në rrjetet sociale fotot e tyre personale, vihet në pranga 20-vjeçari.

Dokumentohen 2 raste të mashtrimit të kryera nga ky shtetas.

Seksioni për Hetimin e Krimeve Kibernetike, në bashkëpunim me Forcën e Posaçme Operacionale të DVP Tiranë, në vijim të punës për goditjen e paligjshmërive në fushën kibernetike, organizuan dhe finalizuan operacionin policor të koduar “Online Threat”.

Si rezultat i operacionit u arrestua shtetasi E. M., 20 vjeç, banues në Tiranë.

Nga veprimet hetimore ka rezultuar se ky shtetas, për një periudhë rreth 2-javore, në një rrjet social hapte profile false dhe, gjatë komunikimit me shtetas të ndryshëm, siguronte prej tyre foto personale. Më pas, nëpërmjet mashtrimit dhe shantazhit, u kërkonte shuma monetare nga 500 deri në 1000 euro, në këmbim të mosbërjes publike të fotove personale.

Konkretisht, në datat 05.12.2025 dhe 06.12.2025, ky shtetas, në mënyrë të përsëritur, ka përfituar shumën 750 euro nga një 36-vjeçar.

Materialet procedurale i janë referuar Prokurorisë së Tiranës, për veprime të mëtejshme. /CNA





Lajmet e fundit nga