web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohet apartamenti me vlerë 270 mijë euro/ Dyshohet se është përfituar nga veprimtaria kriminale

20 Tetor 2022, 16:44, Kronika CNA
Sekuestrohet apartamenti me vlerë 270 mijë euro/ Dyshohet se
Foto ilustruese

Ditën e sotme është sekuestruar apartamenti me vlerë 270 000 euro, një të riu në Lushnjë.

Bëhet fjalë për 32-vjeçarin Marsel Korreshi, i cili dyshohet se e ka përfituar pasurinë nga veprimtari kriminale në fushën e narkotikëve.

Apartamenti i të riut lushnjar që u sekuestrua nga autoritetet është në Tiranë.

Ndërkohë, blutë po vijojnë hetimet dhe verifikimet për evidentimin e pasurive të tjera që mund të jenë në emër të Korreshit.

“Nga specialistët e seksionit për Hetimin e Krimeve Ekonomiko-Financiare të Drejtorisë Vendore të Policisë Fier, në bashkëpunim me Prokurorinë pranë Gjykatës së Rrethit Gjyqësor Lushnjë, u bë ekzekutimi i vendimit të Gjykatës së Rrethit Gjyqësor Lushnjë, i datës 03.10.2022, për vendosjen e sekuestros preventive ndaj pasurisë së shtetasit M. K., 32 vjeç, banues në Lushnjë, i dënuar më parë, për veprën penale “Prodhimi dhe shitja e lëndëve narkotike”. Nga veprimet hetimore rezulton se pasuria e 32-vjeçarit ka si burim veprimtari kriminale.

Në zbatim të vendimit të Gjykatës u bë sekuestrimi i një pasurie të paluajtshme (apartament në Tiranë), me vlerë 270 000 euro. Vijojnë hetimet dhe verifikimet për evidentimin e pasurive të tjera që mund të jenë në emër të këtij shtetasi dhe të personave të lidhur me të”, thuhet në njoftimin e policisë./ B.A. - CNA.al





Lajmet e fundit nga