E fundit!

12:16 Aktualitet

SPAK kërkon 98 vite burg për Durim Bamin, Aldo Avdylin dhe 5 të tjerë

Prokuroria e Posaçme ka dhënë pretencën për disa nga të pa...

Plagosje me thikë në Kukës/ 52-vjeçari zihet me një person, qëllon aksidentalisht një tjetër

20 Tetor 2022, 15:54, Kronika CNA

Plagosje me thikë në Kukës/ 52-vjeçari zihet me një

Foto ilustruese

Një plagosje me thikë raportohet të ketë ndodhur ditën e sotme në Kukës.

Blutë bëjnë me dije se 19-vjeçari me iniciale J. V. është plagosur aksidentalisht me mjet prerës (thikë), në këmbë, nga shtetasi I. D., gjatë ndërhyrjes për të parandaluar përshkallëzimin e mëtejshëm të konfliktit të shtetasit I. D. me shtetasin A. P., në fshatin Shtanë.

Blutë bëjnë me dije se ai është dërguar menjëherë për të marrë ndihmë mjekësore.

Për këtë ngjarje u arrestua shtetasi I. D., 52 vjeç, banues në fshatin Shtanë, me precedentë të mëparshëm penalë.

Ndaj tij rëndojnë akuzat për veprat penale "Plagosja e rëndë nga pakujdesia" dhe "Mbajtja pa leje e armëve të ftohta".

Gjithashtu u procedua në gjendje të lirë shtetasi A. P., 40 vjeç, banues në fshatin Shtanë, për veprat penale "Dëmtime të tjera me dashje" dhe "Moskallëzimi i krimit".

Njoftimi i policisë:

Plagosi aksidentalisht me mjet prerës (thikë), një 19-vjeçar, gjatë konfliktit me një shtetas tjetër, arrestohet në flagrancë 52-vjeçari.

Procedohet penalisht edhe shtetasi tjetër që u përfshi në konflikt me të arrestuarin dhe nuk kallëzoi ngjarjen.

Menjëherë pas marrjes së njoftimit se në spitalin e Kukësit ishte dërguar për të marrë ndihmë mjekësore, shtetasi J. V., 19 vjeç, banues në fshatin Shtanë, i plagosur me mjet prerës thikë, specialistët e Seksionit për Hetimin e Krimeve të Komisariatit të Policisë Kukës, në bashkëpunim me Prokurorinë pranë Gjykatës së Rrethit Gjyqësor Kukës, kanë nisur veprimet hetimore për zbardhjen e rrethanave të plagosjes.

Nga veprimet hetimore ka rezultuar se shtetasi J. V. është plagosur aksidentalisht me mjet prerës (thikë), në këmbë, nga shtetasi I. D., gjatë ndërhyrjes për të parandaluar përshkallëzimin e mëtejshëm të konfliktit të shtetasit I. D. me shtetasin A. P., në fshatin Shtanë.

Në përfundim të veprimeve hetimore për këtë rast u arrestua në flagrancë, për veprat penale "Plagosja e rëndë nga pakujdesia" dhe "Mbajtja pa leje e armëve të ftohta", shtetasi I. D., 52 vjeç, banues në fshatin Shtanë, me precedent të mëparshëm penal.

Gjithashtu u procedua në gjendje të lirë shtetasi A. P., 40 vjeç, banues në fshatin Shtanë, për veprat penale "Dëmtime të tjera me dashje" dhe "Moskallëzimi i krimit".

Në cilësinë e provës materiale, u sekuestrua mjeti prerës (thikë) me të cilin dyshohet se është plagosur 19-vjeçari.

Materialet procedurale i kaluan Prokurorisë, për veprime të mëtejshme./ B.A. – CNA.al