web counter
LEXO PA REKLAMA!

SHKARKO APP

App Store
Google Play

Plagosja në Borsh/ Vihet në pranga autori, një tjetër në kërkim

31 Korrik 2025, 18:50, Kronika CNA

Plagosja në Borsh/ Vihet në pranga autori, një tjetër

Policia ka vënë në pranga 42-vjeçarin H. Ç., si autor i dyshuar i dy plagosjeve në Borsh.

I arrestuari si fillim është përfshirë në një konflik me E. V. 55 vjeç dhe më pas duke u larguar ka qëlluar me armë në drejtim të automjetit që drejtonte E. Sh. 33 vjeç, të cilin e ka plagosur në shpatull dhe në këmbë.

Po ashtu 42-vjeçari ka plagosur dhe me tytën e pistoletës një 43-vjeçar. Personi i përfshirë në konflikt me 42-vjeçarin, E. V. 55 vjeç është shpallur në kërkim.

 

Njoftimi i policisë

Më datë 31.07.2025, rreth orës 02:20, në një lokal në fshatin Borsh, Himarë, shtetasi H. Ç., 42 vjeç, banues në Borsh, dyshohet se është përfshirë në një konflikt fizik, për motive të dobëta, gjatë të cilit është goditur me grushte nga shtetasi E. V., 55 vjeç, banues në Tiranë. Pas këtij momenti, shtetasi H. Ç. është larguar nga ambientet e lokalit dhe është rikthyer me një armë zjarri automatik, me të cilën ka qëlluar në drejtim të automjetit tip “Volksëagen”, me drejtues shtetasin E. Sh., 33 vjeç, duke e plagosur në shpatull dhe në këmbë. Ky shtetas ndodhet aktualisht në spital, jashtë rrezikut për jetën. Gjithashtu, dyshohet se shtetasi H. Ç. ka goditur me qytën e armës edhe shtetasin A. D., 43 vjeç.

Si rezultat i veprimeve të shpejta hetimore dhe procedurale nga Sektori për Hetimin e Krimeve të Rënda në DVP Vlorë, u bë arrestimi në flagrancë i shtetasit H. Ç., për veprat penale “Vrasje me dashje”, mbetur në tentativë, dhe “Prodhimi dhe mbajtja pa leje e armëve luftarake dhe e municionit”. Gjithashtu, është shpallur në kërkim dhe shtetasi E. V., për veprën penale “Dëmtime të tjera me dashje”.

Në vendngjarje janë sekuestruar në cilësinë e provës materiale 4 gëzhoja dhe një krehër me fishekë.

Vijon puna për për gjetjen e armës së zjarrit të përdorur në këtë ngjarje si dhe identifikimin dhe kapjen e shtetasve të tjerë të dyshuar të përfshirë në konflikt.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme.





Lajmet e fundit nga