web counter
LEXO PA REKLAMA!

SHKARKO APP

App Store
Google Play

E fundit!

x

Operacioni "Pandora" për mashtrimet me "Call center"-at/ SPAK-u dhe autoritetet gjermane japin detaje

31 Korrik 2025, 15:28, Kronika CNA

Operacioni "Pandora" për mashtrimet me "Call

SPAK-u dhe drejtuesi gjerman i operacionit “Pandora” kanë zhvilluar një konferencë për shtyp, ku kanë dhënë detaje nga mashtrimet e ndodhura me "call center"-at.

Prokurori i SPAK-ut, Eneid Nakuçi, tha se është ushtruar kontroll në ambientet e një "call center"-i, ku janë gjetur prova materiale të shumta. Nakuçi tha se përgjegjësit e këtyre mashtrimeve do të vendsen përpara drejtësisë dhe ftoi punonjësit e "call center"-ave të mos bëhen pjesë e veprimtarive kriminale.

Nakuçi tha se janë lëshuar 8 masa sigurie, 5 arrest me burg dhe 3 arrest shtëpie. Hetimet janë zhvilluar paralelisht mes Shqipërisë dhe Gjermanisë.

 

“Është procedim i vitit 2024, fillimisht hetimi është regjistuar në fund të vitit 2023 në Gjermani. Ata fillimisht hiqeshin si oficerë policie, duke ju premtuar se ishin duke hetuar për humbjet që ata kishin bërë në 'Forex' dhe kriptovaluta. Gjatë hetimit këta shtetas i zhysnin qytetarët edhe më shumë në mashtrim. Më pas ne kemi bërë një kontroll të një 'call center' në vendin tonë duke bërë të mundur sigurimin e provave dokumetare dhe digjitale. Pas gërshtimit të provave ne i kemi kërkuar gjykatës 5 masa arrest në burg, 3 arrest në shtëpi.

Kontroll në ambientet e një 'call center'-i ku janë gjetur prova materiale të shumta. Kishim të bënim me hetime paralele në Shqipëri dhe Gjermani.

Autorët e këtyre mashtrimeve do të përgjigjen përpara drejtësisë për veprimet e kundërligjshme.

Shtetasit që punojnë në këta 'call center'-a të mos bëhen pjesë e veprimeve të paligjshme”, tha prokurori.

 

I pranishëm në konferencë, drejtuesi gjerman i operacionit Oliver Ofman, bëri me dije se operacioni “Pandora” ka nisur që në dhjetor të vitit 2023. Ofman tha se në një ditë janë përgjuar më shumë se 20 telefonata mashtruese. Më tej ai tha se janë goditur 12 qendra ndërkombëtare në kuadër të këtij operacioni si dhe zbuloi se telefonatat mashtruese bëheshin nga 5 shtete, mes të cilëve Shqipëria dhe Kosova.

Drejtuesi gjerman tha se goditja e këtyre veprimatrive kriminale do të vijojë më tej si dhe vlerësoi bashkëpunimin me SPAK-un për këtë operacion.

 

“Operacioni nisi në dhjetor të viitt 2023. Filluam të përgjonim në ditë mbi 20 telefonata mashtruese. Të kapeshin në kohë reale në mënyrë që të shmangnim humbje prej 10 milionë euorsh.

Paralelisht zhvilluam hetime në fushën e krimit kompjuterik që të lokalizonim qendrat e thirrjeve dhe autorët e këtyre thirrjeve. Më e rëndësishmja ishte goditja e kësaj organizate kriminale. Ky operacion ka çuar deri tani në goditjen e 12 qendrave ndërkombëtare. Janë arrestuar persona, mes të cilëve dhe organizuesi i infrastrukturës në Gjermani. Bashkëpunim shumë të ngushtë me SPAK-un dhe Policinë e Shtetit. Ky partneritet jashtëzakonisht domethënë për suksesin që arritëm.

Në ditën e sotme u bë e mundur të arrestoheshin 6 persona dhe ne vetë patëm mundësinë ta mbështesnim operacionin në terren. Ky sukses tregon fuqinë e bashkëpunimit ndërkombëtar dhe dërgon një mezash për grupet kriminale. Kufijtë nuk do të na ndalojnë të mbrojmë njerëzit nga veprat kriminale.

Fondet e BE-së, vendimtare për të realizuar këtë operacion. Jemi mëse të vendosur që të vazhdojmë luftën kundër rrjeteve kriminale. Do të vazhdojmë bashkëpunimin me partnerët tanë që t’i mbrojmë qytetarët nga këto krime mashtruese.

Evidentuam 8 skema mashtrimi, forma e kalimit të parave është e ndryshme. Një strukturë kriminale shumë komplekse. Qendrat e thirrjeve nga 5 shtete, por të dëmtuarit nuk ishin vetëm në Gjermani”, tha Ofman./ CNA





Lajmet e fundit nga