web counter
LEXO PA REKLAMA!

SHKARKO APP

App Store
Google Play

E fundit!

x

Plagosja me armë zjarri në Sarandë/ Zbardhet ngjarja, zbulohen detaje

18 Korrik 2025, 10:21, Kronika CNA

Plagosja me armë zjarri në Sarandë/ Zbardhet ngjarja, zbulohen

Zbardhet përplasja në Sarandë, 4 persona në kërkim, arrestohet dhe njëri prej të plagosurve për armëmbajtje pa leje.

Zbardhen detaje nga ngjarja e rëndë në Sarandë ku pas një përplasjeje me armë zjarri mbetën dy persona të plagosur.

Policia ka shpallur në kërkim katër persona.

Në kërkim është shpallur shtetasi R. Z., 43 vjeç, banues në Sarandë, i dyshuar për veprën penale “Vrasja në rrethana të tjera cilësuese”, e mbetur në tentativë. Bashkë me të janë shpallur në kërkim edhe E. C. (36 vjeç), A. M. (43 vjeç) dhe K. J. (31 vjeç), të tre nga Saranda, të dyshuar për “Përkrahje të autorit të krimit”.

Sipas policisë, konflikti nisi për motive të dobëta mes katër shtetasve nga Saranda dhe dy të rinjve nga Tirana, G. H., 33 vjeç dhe E. L., 25 vjeç, që përfundoi në përplasje fizike dhe më pas në përdorimin e armës së zjarrit nga R. Z., i cili i plagosi rëndë të dy. Aktualisht, G. H. dhe E. L. ndodhen në Spitalin e Traumës në Tiranë, nën kujdesin e mjekëve.

Gjatë hetimeve, G. H., njëri prej të plagosurve, u kap në posedim të një pistolete tip “Beretta”, e cila iu sekuestrua bashkë me një krehër që përmbante 9 fishekë. Ai u arrestua në flagrancë për veprën penale “Mbajtja pa leje e armëve dhe municioneve”.

Në vendin e ngjarjes u sekuestruan gjithashtu katër gëzhoja të armës së zjarrit, arma e sekuestruar dhe municionet përkatëse.

Policia vijon punën për lokalizimin dhe kapjen e katër të shpallurve në kërkim, ndërsa materialet procedurale i janë referuar Prokurorisë pranë Gjykatës së Juridiksionit të Përgjithshëm në Sarandë për veprime të mëtejshme./ CNA





Lajmet e fundit nga