web counter
LEXO PA REKLAMA!

SHKARKO APP

App Store
Google Play

Goditet një tjetër rast kontrabande/ Arrestohet një person, nën hetim doganieri

16 Korrik 2025, 13:26, Kronika CNA

Goditet një tjetër rast kontrabande/ Arrestohet një person,

Në vijim të punës së intensifikuar të shërbimeve të Drejtorisë Vendore të Kufirit dhe Emigracionit Korçë, gjatë sezonit veror, me qëllim parandalimin dhe goditjen e krimeve ndërkufitare, është goditur një rast i kontrabandës së mallrave për të cilat paguhet akcizë. 

Në afërsi të PKK Qafë-Thanë, shërbimet e Drejtorisë Vendore të Kufirit dhe Emigracionit Korçë kanë ndaluar automjetin me drejtues shtetasin I. M. Gjatë kontrollit në automjet u konstatua një depozitë rezervë me një sasi nafte, për të cilën shtetasi I. M. nuk kishte ndonjë dokument apo faturë.   

Në përfundim të veprimeve procedurale për këtë rast, specialistët për Hetimin e Krimeve të Drejtorisë Vendore të Kufirit dhe Emigracionit Korçë arrestuan në flagrancë shtetasin I. M., 64 vjeç, banues në Pogradec, për veprën penale “Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës”;

-referuan materialet në Prokurori, ku filloi procedimi penal për shtetasin V. B., 56 vjeç, banues në Pogradec, me detyrë doganier në PKK Qafë-Thanë, për veprën penale "Shpërdorimi i detyrës", pasi dyshohet se nuk ka kryer kontroll në automjetin e shtetasit I. M./ CNA





Lajmet e fundit nga