web counter
LEXO PA REKLAMA!

SHKARKO APP

App Store
Google Play

Plagosja e të riut në Bathore/ Arrestohet autori i ngjarjes

6 Nëntor 2025, 09:07, Kronika CNA

Plagosja e të riut në Bathore/ Arrestohet autori i ngjarjes

Policia ka zbardhur ngjarjen e ndodhur ditën e djeshme në Bathore, ku mbeti i plagosur një i ri.

Ka rënë në pranga 24-vjeçari D. B., i cili dyshohet se plagosi ditën e djeshme të riun.

Ndaj tij rëndojnë akuzat për vrasje me dashje e mbetur në tentativë dhe armëmbajtje pa leje.

Dyshohet se i riu u plagos pas një konflikti për motive të dobëta.

 

Njoftimi i policisë

 

Zbardhet dinamika e ngjarjes së ndodhur dje, në Bathore, ku mbeti i plagosur me armë zjarri një 24-vjeçar. 

Identifikohet, kapet dhe vihen në pranga autori i dyshuar i ngjarjes.

Vijon puna për gjetjen e armës së zjarrit me të cilën u plagos 24-vjeçari, i cili është jashtë rrezikut për jetën. 

Pasditen e djeshme, pas marrjes së njoftimit se në spital ishte paraqitur për të marrë mjekim, një shtetas që ishte plagosur me armë zjarri, specialistët e Sektorit për Krimet e Rënda të DVP Tiranë në bashkëpunim me Komisariatin e Policisë Nr. 5, organizuan menjëherë punën, me qëllim zbardhjen e rrethanave të rastit dhe identifikimin e autorit. Si rezultat i veprimeve profesionale, u identifikua, u kap dhe u vu në pranga autori i dyshuar, shtetasi:   

D. B., 24 vjeç, për veprat penale “Vrasja me dashje”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe municionit”.

Nga veprimet e para hetimore dyshohet se dje, në rrugën “Ali Këlçyra”, shtetasi D. B., gjatë një konflikti për motive të dobëta, me shtetasin E. V., 24 vjeç, e ka plagosur atë, në krah, me armë zjarri. 

Shtetasi E. V. ndodhet në spital, në kujdesin e mjekëve, jashtë rrezikut për jetën.   

Materialet procedurale iu referuan Prokurorisë së Tiranës, për veprime të mëtejshme.





Lajmet e fundit nga