web counter
LEXO PA REKLAMA!

SHKARKO APP

App Store
Google Play

Pjesë e rrjetit që trafikonte klandestinë/ Arrestohet 35-vjeçari shqiptar në Itali

7 Gusht 2025, 21:54, Kronika CNA

Pjesë e rrjetit që trafikonte klandestinë/ Arrestohet

Një shtetas shqiptar u arrestuar nga policia e Astit në Itali me një urdhër arresti ndërkombëtar të lëshuar nga Gjykata. Mësohet se 35-vjeçari kishte një leje qëndrimi të vlefshme dhe kishte jetuar në zonën e Astit për të paktën gjashtë vjet.

Shqiptari ishte i punësuar rregullisht si punëtor ferme në një fermë në Montaldo Scarampi dhe jetonte në fshat, pak larg vendit të tij të punës.

Mediat italiane raportojnë se hetuesit italiane e jo vetëm po e hetonin shqiptarin, e gjithashtu besonin se ishte pjesë në një organizatë që merrej me emigracionin përtej kufirit shqiptar, veçanërisht në Mbretërinë e Bashkuar, Kanada dhe Shtetet e Bashkuara.

Arrestimi u konfirmua edhe nga Gjykata e Apelit të Torinos për shkak të rrezikut të arratisjes, duke qenë se shtetasi nuk ka lidhje të veçanta me provincën përveç punës së tij. Gjithashtu, me peshë në ekstradimin e tij në Shqipëri është fakti se të dhënat kufitare tregojnë se ai ka bërë udhëtime të shumta gjatë viteve, një udhëtim që do të mbështeste akuzat e ngritura nga autoritetet në Tiranë.

Procedurat janë duke u zhvilluar për riatdhesimin e tij në Shqipëri, ku ai do të përballet me akuza për trafikim të rëndë njerëzor./CNA





Lajmet e fundit nga