web counter
LEXO PA REKLAMA!

SHKARKO APP

App Store
Google Play

Minatori humbi jetën në Bulqizë/ Vihen në pranga 5 persona

7 Gusht 2025, 09:26, Kronika CNA

Minatori humbi jetën në Bulqizë/ Vihen në pranga 5 persona

Pesë persona janë arrestuar për mosmarrjen e masave për garantimin e sigurisë në minierën ku ndërroi jetë një minator ditën e djeshme në Bulqizë.

Minatori F. Sh. humbi jetën pas një aksidenti në minierën e kromit.

Personat e arrestuar janë punonjës të staft teknik të subjektit minerar.

Në njoftimin e policisë thuhet se të arrestuarit nuk kanë marrë masat e duhura për garantimin e kushteve të punës.

 

Njoftimi i policisë

Bulqizë

Nuk morën masa për sigurimin e kushteve të mbrojtjes në subjektin minerar ku humbi jetën dje, shtetasi F. Sh., arrestohen 5 punonjës të stafit teknik.

Në vijim të veprimeve hetimore dhe operacionale të kryera me qëllim zbardhjen e përgjegjësive dhe rrethanave, në lidhje me ngjarjen e djeshme, të ndodhur në një subjekt minerar në Bulqizë, ku humbi jetën shtetasi F. Sh., 66 vjeç, dyshohet se si pasojë e rënies së një masivi shkëmbor, gjatë punës në galeri, shërbimet e Komisariatit të Policisë Bulqizë arrestuan në flagrancë shtetasit Nj. P., 46 vjeç, B. Ç., 68 vjeç, F. T., 61 vjeç, E. K., 35 vjeç dhe E. Xh., 51 vjeç, të gjithë punonjës të stafit teknik të subjektit minerar.

Nga hetimet e deritanishme rezulton se këta shtetas, me veprimet ose mosveprimet e tyre, nuk kanë marrë masat e duhura për garantimin e kushteve të sigurimit teknik të punës në subjektin minerar.

Materialet procedurale iu referuan Prokurorisë së Dibrës, për veprime të mëtejshme, për veprën penale “Shkelja e rregullave të mbrojtjes në punë”, me pasojë vdekjen./ CNA





Lajmet e fundit nga