web counter
LEXO PA REKLAMA!

SHKARKO APP

App Store
Google Play

E fundit!

x

Pezullohen nga detyra 3 punonjës policie dhe një efektiv i “Shqiponjave”

2 Gusht 2024, 15:30, Kronika CNA
Pezullohen nga detyra 3 punonjës policie dhe një efektiv i
Foto ilustruese

Agjencia e Mbikëqyrjes Policore ka pezulluar nga detyra 3 punonjës policie dhe një punonjës të forcave “Shqiponja”.

Gjithashtu, AMP ka ekzekutuar edhe 3 masa të tjera sigurie të vendosura nga Gjykata e Shkallës së Parë të Juridiksionit të Përgjithshëm Durrës.

Raportohet se është vendosur masa “Arrest me burg” ndaj shtetasit K.S., i dyshuar për kryerjen e veprës penale “Shpërdorim i detyrës në bashkëpunim”, “Ndërtim i paligjshëm”, “Vjedhje e energjisë elektrike”. Ai është shpallur në kërkim, pasi nuk është bërë e mundur gjetja e tij.

Gjithashtu, “Arrest me burg” është caktuar edhe për shtetasin me iniciale E.V., i dyshuar për kryerjen e veprës penale “Veprime që pengojnë zbulimin e të vërtetës”. Edhe ky i fundit është shpallur në kërkim, pasi gjatë kontrollit nuk është gjetur në banesë.

Gjykata ka lënë në “Detyrim paraqitje” shtetasen R.O., e dyshuar për kryerjen e veprës penale “Moskallëzim krimi”.

Ndërkohë janë pezulluar efektivët me iniciale E.P. me detyrë Ndihmës Specialist i Policimit në Komunitet pranë Komisariatit të Policisë Durrës, S.S. me detyrë Trupë Shërbimi i Trafikut Urban dhe Interurban në DVP Durrës, K.K. me detyrë Specialist i Rendit në Forcën e Posaçme Shqiponja në DVP Durrës dhe A.J. me detyrë Ndihmës Specialist i Policimit në Komunitet pranë Kommisariatit të Policisë Kavajë.

Ata dyshohet se kanë kryer veprën penale “Shpërdorim të detyrës i kryer në bashkëpunim”.

Nga hetimet e kryera u siguruan prova se shtetasi K.S., gjatë kohës që ka ushtruar detyrën si shef sektori pranë AMP Durrës, duke shfrytëzuar atributet e pozicionit, ka zaptuar një sipërfaqe trualli, pronë shtetërore në lagjen “Kallm” të Durrësit, ku dhe ka ndërtuar në mënyrë të jashtëligjshme një vilë.

Punonjësit e policisë, tashmë nën masa sigurie, në dijeni të veprimeve të kundërligjshme kanë siguruar mjetet e nevojshme për ndërtim./ CNA





Lajmet e fundit nga