web counter
LEXO PA REKLAMA!

SHKARKO APP

App Store
Google Play

E fundit!

x

Apartamenti, i përshtatur për prostitucion/ Vihet në pranga tutorja kineze në Pogradec

24 Qershor 2025, 09:24, Kronika CNA

Apartamenti, i përshtatur për prostitucion/ Vihet në pranga

Policia e Korçës ka finalizuar operacionin “Last night” ku është goditur një rast i prostitucionit në Pogradec.

Aktiviteti i paligjshëm ushtrohej në një apartament të marrë me qira nga dy shtetase kineze.

Si rezultat, policia vuri në pranga shtetasen kineze H. F., 61 vjeçe, dhe shpalli në kërkim bashkëkombësen e saj, C. L., 46 vjeçe.

Ato akuzohen për "Prostitucion" dhe "Falsifikim i monedhave".

Gjithashtu u procedua penalisht për "Mbajtja e lokaleve për prostitucion", pronari i apartamentit.

Efektivët kanë gjetur dhe sekuestruar shuma monetare dhe 4 aparatë celularë.

 

Njoftimi i policisë

 

DVP Korçë  

Finalizohet pas 2 muajsh hetime me metoda proaktive, operacioni policor i koduar “Last night”.

Kishin përshtatur për ushtrimin e prostitucionit, një apartament që e kishin marrë me qira, në Pogradec, vihet në pranga 1 shtetase kineze, shpallet në kërkim 1 tjetër shtetase kineze.          

Procedohet penalisht pronari i apartamentit.

Sekuestrohen shuma parash të valutave të ndryshme, kartëmonedha të dyshuara false dhe 4 celularë.    

Specialistët e Seksionit për Hetimin e Trafiqeve, si rezultat i hetimeve të kryera me metoda proaktive, në drejtimin e Prokurorisë, gjatë dy muajve, për goditjen e veprimtarisë së kundërligjshme të prostitucionit, finalizuan operacionin e koduar “Last night”.      

Si rezultat i këtij operacioni, u zbulua në lagjen nr. 1, Pogradec, një apartament i marrë me qira, që ishte përshtatur për ushtrimin e prostitucionit.  

Nga veprimet hetimore u identifikuan 2 shtetase kineze, organizatore të kësaj veprimtarie kriminale. Njëra prej tyre, shtetasja H. F., 61 vjeçe, u arrestua në flagrancë për veprat penale "Prostitucioni" dhe "Falsifikimi i monedhave", ndërsa shtetasja tjetër, C. L., 46 vjeçe, banuese në Kinë, u shpall në kërkim. Punohet për kapjen e saj.   

Gjithashtu, u referuan materialet në Prokurori ku nisi procedimi në gjendje të lirë për pronarin e apartamentit, shtetasin L. Xh., 33 vjeç, banues në Pogradec, për veprën penale "Mbajtja e lokaleve për prostitucion".

 Në cilësinë e provës materiale u sekuestruan shuma parash të valutave të ndryshme, kartëmonedha lekë të dyshuara të falsifikuara, që iu gjetën shtetases së arrestuar dhe 4 celularë. 

Në bashkëpunim me Prokurorinë po vijojnë hetimet pasi dyshohet se ka shtetas të tjerë të përfshirë në këtë veprimtari kriminale brenda dhe jashtë shtetit, nga ku kryheshin telefonatat dhe veprimet reklamuese për këtë veprimtari.  

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme./ CNA





Lajmet e fundit nga