E fundit!

15:16 Aktualitet

Komunikimi me Ramën dhe kërcënimi nga Bajrat/ Koçeku flet për largimin nga Grupi i PS-së

Deputetja Marjana Koçeku ka folur ditën e sotme lidhur me ...

“Pa drita dhe ujë në banesë, lanin rrobat me kusi në mes të oborrit”/ Flasin fqinjët e 52 vjeçarit që ‘burgosi’ familjen për 6 vite

6 Nëntor 2022, 15:28, Kronika CNA

“Pa drita dhe ujë në banesë, lanin rrobat me kusi në

Gjergj Laçi

Sot një tjetër ngjarje ka tronditur opinionin publik. Një 52 vjeçar, Gjergj Laçi, kishte brugosur familjen e tij për 6 vite me radhë.

Gazetarja Klodiana Lala, ka zbardhur dëshminë e dy fqinjëve, të cilët tregonin se familja jetonte në kushte shumë të vështira ekonomike.

Ata nuk kishin ujë dhe drita në banesë, ndërsa shprehen se edhe rrobat i lanin në një kusi në mes të oborrit.

Ndër të tjera shtojnë se kohët e fundit as vetë Laçi nuk dilte nga banesa dhe ushqimin ua siguronte xhamia ose familjarët e tij.

Një tjetër banore rrëfen se Laçi kishte kaluar në depresion kur i prishën banesën e mëparshme dhe se atëherë ka hipur në tarracë dhe ka kërcënuar se do të hidhej. Ajo shton se në banesë nuk kishte energji elektrike ose ujë pasi ata nuk kishin mundësi t’i paguanin dhe se për të larë rrobat bashkëshortja e Laçit ziente një kusi në oborr duke treguar kështu edhe gjendjen e rëndë ekonomike.

“Kishim 5 apo 6 vite që nuk i shikonim. Nuk e dinim çfarë halli kishte. Gjergji dilte, shkonte në xhami, në punë si usta. Fëmijët shkonin në shkollë, njeri i rregullt ne nuk na ka ngacmuar. Gruan e vetë e mbante mbyllur por e mbante mirë, ai e kishte merak. Xhamia u sillte ushqim, çdo gjë që u duhej. Dhe babai e vëllezërit e Gjergjit e ndihmonin, ndërsa familjarët e bashkëshortes nuk e di”, është shprehurnjë prej fqinjëve.

“E kemi njohur familjen prej 30 vitesh, nuk kemi pasur probleme, ishin njerëz të urtë, vinin nga Dibra. Gruan nuk e njoh, që kur i prishën shtëpinë këtu kaloi në depresion. Gjergji herë punonte, herë rrinte pa punë. Gruan nuk e njoh se nuk dilte fare, kohët e fundit e kam parë vetëm 2 herë Gjergjin dhe dukej shumë i stresuar. Shumë pak e kam parë, banesën e kishte rrethuar, nuk kishte drita dhe ujë se nuk i paguanin dot, gruaja lante rrobat duke zierë ujë në kusi në oborr. Kur iu shemb shtëpia hipi në tarracë dhe kërcënoi se do hidhej, u duk që atje që kishte probleme”, ka deklaruar një tjetër banor i zonës./ CNA.al