Nuredin Dumani hap thesin për Visin e Pojës: Negociator shumë i mirë i kokainës, me tonë

23 Maj 2025, 12:40, Kronika CNA

Nuredin Dumani hap thesin për Visin e Pojës: Negociator shumë i

CNA ka zbardhur detaje nga dosja hetimore për megaoperacionin "URA", ku evidentohet dëshmia e një prej të penduarve të drejtësisë, Nuredin Dumanit, i cili e njeh Visin e Pojës, si një negociator shumë të mirë të heroinës dhe kokainës.

Bashkëpunëtori i drejtësisë, Nuredin Dumani, i dëgjuar bashkërisht nga prokurorët e Shtetit të D.D.A.-së të Barit dhe autoriteteve gjyqësore shqiptare, ndër të tjera, ka dhënë elemente informacioni në gjendje të përcaktojnë me siguri shtetasin Elvis Doci si trafikant i lëndëve narkotike, i njohur me nofkën "Visi i Pojës".

Në mënyrë të veçantë, pasi e njohu në fotografi, Nuredin Dumani ka referuar se njihej prej shumë vitesh me Elvis Docin, i njohur më thjeshtë si "Visi i Pojës", për shkak të marrëdhënies së bashkëpunimit të ngushtë kriminal që kishte pasur në të kaluarën me Fatmir Troplinin i njohur si "Miri", djali i Xhevdet Troplini i njohur si "Poja" dhe kushëri i Elvis Docit.

Më poshtë një pjesë e procesverbalit të marrjes në pyetje, gjatë së cilës bashkëpunëtori Dumani, ndër të tjera, saktësonte se në mjedisin kriminal shqiptar nuk kishte njeri tjetër veç Elvis Docit, i njohur si "Visi i Pojës".

Pjesë nga dëshmia e Nuredin Dumanit:

Bashkëpunëtori: "Po, numri pesë (5)."

PSH. DOK CHIMIENTI: Po, numri pesë (5).

Bashkëpunëtori: "Arrij ta identifikoj shumë mirë."

PSH. DOK CHIMIENTI: Kush është?

Bashkëpunëtori: "Nuk e di emrin e tije por e njoh me emrin VISI. E njoh prej vitesh që kur isha i vogël në moshën 16-17 vjeç."

PSH. DOK CHIMIENTI: çfarë din për këtë Visi-n çfarë bënte?

Bashkëpunëtori: "Visi është një negociator shumë i mirë."

PSH. DOK CHIMIENTI: Negociator për çfarë?

Bashkëpunëtori: "Në fillim ishin për trafikun e heroinës."

PSH. DOK CHIMIENTI: Në çfarë viti?

Bashkëpunëtori: "Flasim nga 2010 deri në 2013 ishin më të fortët." Gjithmonë përsa i përket heroinës? "Për heroinën."

PSH. DOK CHIMIENTI: Në çfarë perjudhe?

Bashkëpunëtori: "2010-2013."

PSH. DOK CHIMIENTI: Bën pjesë në një grup?

Bashkëpunëtori: "Një grup shumë i madh. Është grupi i Xhevdet TROPLINI-T."

PSH. DOK CHIMIENTI:Shpjego lidhjen që ka me Xhevdetin.

Bashkëpunëtori: "grupi i Xhevdet TROPLINI-t në vitet e fundit është bërë grupi kriminal më i madh, të paktën në Durrës."

Prokurorët: Për?

Bashkëpunëtori: "Për trafikun e kokainës dhe heroinës e pastaj për vrasjet. Jo vrasjet me pagesë."(...)

Prokurorët: Përpara thatë se ai ishte një negociator i madh i heroinës nga 2010 deri në 2013. Pse deri në 2013? Pastaj çfarë ka bërë?

Bashkëpunëtori: "Pastaj në 2013 ka lënë heroinën dhe ka filluar me kokainën sepse nuk kishte shumë vlerë."

Prokurorët: Vetëm kokainë por edhe heroinë?

Bashkëpunëtori: "Jo, jo për heroinën unë nuk kam dëgjuar më po për kokainën po. Me ton."

Prokurorët: Bën pjesë në grupin e TROPLINI-t.

Bashkëpunëtori: "Po. Është numri dy."

Prokurorët: Si e quajnë VISIN?

Bashkëpunëtori: "Kusho (italisht Kushuri sh.i.p.) me nofkën.

Prokurorët: Visi?

Bashkëpunëtori: "Po Visi. Miri më thonte “do të fol me kushuririn tim (shqip Kusho -ship.)! Do shkoj të takoj Visin

Prokurorët: E kur thonte këtë e kishte fjalën për Visi?

Bashkëpunëtori: "Visi, Visi gjithmonë Visi."

Prokurorët: Okay. Po në grupin e TROPLINI-T ai bënte... Ju keni thënë se grupi i TROPLINI-t është bërë një nga grupet me të medha të heroinës dhe kokainës ne Durrës.

Bashkëpunëtori: "Edhe më shumë po të paktën flas për Durrësin sepse aty jam i sigurtë." "Con tutta l'attività criminale."

Prokurorët: Ti ke pasur mardhenie direkte me Visin?

Bashkëpunëtori: "Po kam pasur."

Prokurorët: Në Chat?

Bashkëpunëtori: "Jo, me Chat jo. Personalisht."(...)

Prokurorët: Po ai njifet si Visi edhe si Visi Pojës?

Bashkëpunëtori: Të gjithë e quajnë Visi i Pojës.

Prokurorët:

Nuk ka persona të tjerë që quhen Visi i Pojës?

Bashkëpunëtori: "Për një far perjudhe unë kisha menduar se mbiemri i tijë ishte Poja."

Prokurorët: Vetëm ai.

Komunikimet e tjera mund t’i lexoni më poshtë.