web counter
LEXO PA REKLAMA!

SHKARKO APP

App Store
Google Play

E fundit!

x

Ngjarjet makabre që tronditën opinionin publik gjatë 2023-shit

2 Janar 2024, 11:00, Kronika CNA

Ngjarjet makabre që tronditën opinionin publik gjatë 2023-shit

Ekzekutimi i Liridona Murselit

Mbrëmjen e 29 nëntorit u vra në rrugën "Dalip Alshiqi" në Prishtinë, 30-vjeçarja Liridona Murseli.

Fillimisht, Policia e Kosovës, raportoi rastin si “grabitje me pasoja të vrasjes”. Më pas më 1 dhjetor dolën të dhëna tronditëse, pasi u akuzua burri i Liridona Murselit për krimin e rëndë. Nga hetimet rezultoi se Naim Murseli kishte planifikuar gjithçka për të realizuar krimin e rëndë.

Policia arrestoi Naim Murselin si dhe ekzekutorin Granit Plava dhe bashkëpunëtorin tjetër Kushtrim Kokalla. Ky i fundit ishte pjesëtar i Forcave të Sigurisë së Kosovës.

Plani i vrasjes

Naim Murseli bashkë me gruan e tij dhe dy fëmijët po darkonin në fshatin Graçanicë të Prishtinës, pak orë para se Liridona të ekzekutohej. Murseli kishte ftuar gruan e tij për darkë dhe ndërkohë ishte koordinuar me Granit Plavën dhe Kushtrim Kokallën për të kryer aktin e rëndë.

Pasi mbaruan darkën, në momentin që mbërritën në fshatin Bërnicë, Granit Plava i maskuar doli para makinës dhe sajoji ngjarjen sikur do grabiste familjen. Në këtë moment Naim Murseli bashkë me fëmijët u largua nga makina dhe Liridona ngeli e vetme. Ajo u vra më një plumb, e cili e kapi pas veshit. E reja humbi menjëherë jetën.

Naim Murseli dëshmoi në polici se grabitësit i kishin prerë rrugën dhe i kishin vrarë gruan. Por policia dhe familjarët nisën dyshimet për këtë gjatë homazheve dhe ceremonisë së varrit.

Më 1 dhjetor ministrja e Drejtësisë, Albulena Haxhiu, përmes një postimi në “Facebook” sqaronte se arrestimi i burrit të viktimës ishte kryer nën dyshimin se është i përfshirë në vrasjen e bashkëshortes dhe fshehjen e krimit.

“Njëri nga personat e arrestuar është bashkëshorti i të ndjerës Liridonës, i cili sipas dyshimeve ishte përpjekur ta fshihte krimin e rëndë duke thënë që ishin cak i një grabitjeje”, tha Haxhiu.

Pas akuzave ndaj Naim Murselit, familja vendosi që ta zhvarroste nga fshati Çërmjan duke e rivarrosur vajzën në fshatin e lindjes Rracaj të Gjakovës.

Dyshohet se krimin e rëndë Murseli e planifikoi për të përfituar nga një sigurim i majmë që kishte Liridona në shtetin suedez.

Vrasja në Maqedoninë e Veriut

14-vjeçarja Vanja Gjorçevska u zhduk më 27 nëntor. Trupi i pajetë u zbulua më 3 dhjetor, disa ditë pas zhdukjes. Një traumë kjo për familjarët e saj, kryesisht për nënën.

Në hetimet paraprake njoftuan se vajza e re u rrëmbye me qëllim që të merreshin para nga nëna e të miturës.

Si ndodhi ngjarja?

Vajza ka dalë nga shtëpia mëngjesin e 27 nëntorit për të shkuar në shkollë kur dy persona kanë rrëmbyer vajzën dhe e kanë futur në bagazhin e automjetit tip “Citroen” të lidhur me këmbë e duar. Ata kanë qenë të shoqëruar nga një makinë tjetër. Vajza, pasi është rrëmbyer, është nxjerrë jashtë Shkupit dhe ku është vrarë, dhe u gjet trupi i pajetë, disa ditë më pas, më 3 dhjetor.

Zbardhja e vrasjes

Policia dhe prokuroria maqedonase më 4 dhjetor njoftuan për arrestimin e tre personave të dyshuar për vrasjen e 14-vjeçares, Vanja Gjorçevska, nga Shkupi, si dhe të një personi tjetër me inicialet P.ZH., 74 vjeç, nga qyteti i Velesit.

Për këtë ngjarje, që tronditi opinionin në Maqedoninë e Veriut dhe jo vetëm, prokurori publik Gavrill Bubevski tha se do të ketë “dënime të rrepta” bazuar në Kodin Penal të Maqedonisë së Veriut.

Ndërsa, ministri i Brendshëm i Maqedonisë së Veriut, Oliver Spasovksi, dha një detaj tronditës, ku theksoi se babai i vajzës ka informuar anëtarët e tjerë për kohën kur ka dalë vajza nga shtëpia, dhe lëvizjen e saj drejt shkollës.

Për këtë ngjarje makabre janë ndaluar Vlatko Kekishov, Velibor Manev dhe është kërkuar paraburgim edhe për Bore Videvskin. Person i katërt i përfshirë në rrëmbimin e vajzës, Vanja Gjorçevska është babai i së miturës, ndërsa i pesti, Lupço Palevski ishte arratisur drejt Beogradit dhe nuk ka të dhëna për vendndodhjen aktuale të tij.

Sipas Spasovskit, vrasjen e dy personave e ka kryer vetë Palevski, i cili është në kërkim ndërkombëtar. Fillimisht u tentua që ngjarjes t’i jepej kontekst etnik, por autoritetet sqaruan që të gjithë protagonistët në këtë ngjarje janë maqedonas./ CNA





Lajmet e fundit nga