web counter
LEXO PA REKLAMA!

SHKARKO APP

App Store
Google Play

E fundit!

x

“Nëse më ndodh diçka, më kërkoni tek Tupja”/ Detaje nga zhdukja e Eraldo Muçit në Memaliaj

8 Korrik 2025, 20:59, Kronika CNA

“Nëse më ndodh diçka, më kërkoni tek

Nga dëshmitë e deritanishme dhe të dhënat hetimore për ngjarjen e ndodhur më 15 qershor, ku një 30-vjeçar nga fshati Bylysh i bashkisë Memaliaj rezulton i zhdukur, policia tashmë ka dyshime të forta se zhdukja e Eraldo Muçit, mesditën e 15 Qershorit, ka lidhje me motivin e hakmarrjes.

Kjo për shkak të njohjes së tij me Aleksandër Sadikaj dhe besnikërisë që kishte ndaj Sanços dhe familjes së tij.Ndërsa, një tjetër pistë mund të jetë edhe ajo e ndonjë borxhi të mundshëm që Eraldo Muçi, mund t’u kishte personave të tjerë.

Ndërkohë që burime policore thanë se për herë të fundit, i riu është parë të lëvizë në autostradën Durrës-Tiranë. Dhe që nga ky moment nuk ka asnjë të dhënë rreth fatit të tij.

Sipas burimeve, personi që e nisi drejt Tiranës, për të kryer një punë, e cila nuk dihet se cila është, quhet Donald Nela. I njohur ndryshe edhe me pseudonimin ‘Tupja’.

Donald Nela, në vitin 2018 ishte një nga të arrestuarit nga policia, pas përgjimeve ambientale që ishin bërë, lidhur mbi disa episode të trafikimit të lëndëve narkotike, nëpërmjet kufirit të gjelbërt me Greqinë.

Mësohet se Donald Nela, i ka thënë 30-vjeçarit se do të kryenin një punë për dy persona me mbiemrin Doda nga veriu. Çka ngre edhe më shumë dyshime rreth udhëtimit të 30-vjeçarit atë ditë në drejtim të Durrësit, apo Tiranës./ ‘Në shënjestër’

 





Lajmet e fundit nga