web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim për shitje dhe prodhim narkotikësh/ Vihet në pranga 33-vjeçari

25 Qershor 2025, 10:46, Kronika CNA

Në kërkim për shitje dhe prodhim narkotikësh/ Vihet në

Operacioni antidrogë “Blloku 33” vijon, duke e çuar kështu numrin e të arrestuarve në 27.

Në prangat e policisë ka rënë 33-vjeçari A. B., i cili ishte shpallur në kërkim, me akuzën për prodhim dhe shitje narkotikësh.

Ndaj 33-vjeçarit është caktuar masa e sigurisë “Arrest në burg”, ndërsa vijojnë kërkimet edhe për 6 shtetas të tjerë, të shpallur në kërkim në kuadër të këtij operacioni.

 

Njoftimi i policisë

Tiranë/Vijon megaoperacioni policor, antidrogë, i koduar “Blloku 33”.

 

Kapet 1 shtetas i shpallur në kërkim gjatë tij, i akuzuar për shitje të lëndëve narkotike në lokalet e natës, në kryeqytet. Shkon 27 numri i shtetasve të vënë në pranga në kuadër të megaoperacionit.

Si rezultat i administrimit të shpejtë të informacioneve të siguruara në rrugë operative, mbi vendndodhjen e një shtetasi të shpallur në kërkim gjatë megaoperacionit “Blloku 33”, shërbimet e Seksionit për Hetimin e Narkotikëve, në bashkëpunim me shërbimet e Komisariatit të Policisë Nr. 6, kapën në Kashar, dhe vunë në pranga shtetasin A. B., 33 vjeç.

Për të është caktuar masa e sigurisë “Arrest në burg”, për veprën penale”Prodhimi dhe shitja e narkotikëve”.

Vijojnë kërkimet për kapjen e 6 shtetasve të tjerë të shpallur në kërkim gjatë këtij megaoperacioni.

Materialet procedurale iu referuan Prokurorisë së Tiranës, për veprime të mëtejshme./ CNA





Lajmet e fundit nga