web counter
LEXO PA REKLAMA!

SHKARKO APP

App Store
Google Play

E fundit!

x

Në kërkim ndërkombëtar për plagosje me dashje/ Ekstradohet nga Britania 33-vjeçari

8 Nëntor 2025, 10:29, Kronika CNA

Në kërkim ndërkombëtar për plagosje me dashje/

Interpol Tirana ka ekstraduar një 33-vjeçar të shpallur në kërkim ndërkombëtar për plagosje me dashje dhe armëmbajtje pa leje.

33-vjeçari është dënuar në vitin 2021 nga Gjykata e Apelit e Durrësit me 5 vite burg.

Në vitin 2018, ky shtetas pas një debati për motive të dobëta ka plagosur me armë zjarri një shtetas.

 

Njoftimi

 

Interpol Tirana

Ekstradohet nga Mbretëria e Bashkuar, një shtetas i dënuar me 5 vjet burgim, për plagosje të rëndë me dashje dhe për armëmbajtje pa leje.

Si rezultat i bashkëpunimit ndërmjet Interpol Tiranës dhe Interpol Mançester, Mbretëria e Bashkuar, u krye ekstradimi nga Mbretëria e Bashkuar drejt vendit tonë i shtetasit shqiptar Mikel Hoxha, 33 vjeç.

Shtetasi Mikel Hoxha ishte shpallur në kërkim ndërkombëtar, pasi Gjykata e Apelit Durrës, në vitin 2021, e ka dënuar me 5 (pesë) vjet burgim për veprat penale “Plagosje e rëndë me dashje”, “Mbajtje pa leje dhe prodhim i armëve, armëve shpërthyese dhe i municionit”.

Përmbledhje e ngjarjes së ndodhur:
Shtetasi Mikel Hoxha, në datën 06.06.2018, në qytetin e Gramshit, pas debatit të çastit për motive të dobëta, ka plagosur me armë zjarri në kofshë shtetasin A. H., duke i shkaktuar lëndime serioze.

Si rezultat i bashkëpunimit të Interpol Tiranës me Interpol Mançester / Mbretëri e Bashkuar, u bë e mundur arrestimi i tij, duke u finalizuar me ekstradimin drejt vendit tonë.





Lajmet e fundit nga