web counter
LEXO PA REKLAMA!

SHKARKO APP

App Store
Google Play

Me doza kanabisi, gati për t’i shitur/ Arrestohen 10 persona

13 Tetor 2022, 08:54, Kronika CNA
Me doza kanabisi, gati për t’i shitur/ Arrestohen 10 persona
Foto ilustruese

3 shtetas, 2 prej tyre bashkëpunëtorë në shitjen e lëndëve narkotike dhe një shtetas tjetër, pasi në banesën e tij u gjet një granatë, janë prangosur së fundmi nga policia.

Siç njofton Policia në kuadër të operacionit “Compensation", po zhvillohen arrestime dhe deri më tani numri ka shkuar në 10.

Specialistët e Seksionit për Hetimin e Krimeve të Komisariatit të Policisë Nr. 6, në bashkëpunim me Prokurorinë pranë Gjykatës së Shkallës së Parë Tiranë, në vijim të punës për goditjen e paligjshmërive, kanë kryer veprime hetimore në kuadër të operacionit "Compensation", nisur në vitin 2021. 

Në kuadër të këtij operacioni u bë arrestimi i shtetasve,- M. H., 23 vjeç, D. A., 25 vjeç dhe I. A., 27 vjeç, të tre banues në Yzberisht.  

Gjatë kontrollit nga shërbimet e Policisë, shtetasit M. H. iu gjetën një sasi lënde e dyshuar narkotike cannabis sativa, e ndarë në doza, gati për shitje, si dhe një peshore elektronike. Nga veprimet hetimore ka rezultuar se shtetasi M. H. bashkëpunonte me shtetasin I. A., për të shitur lëndë narkotike. 

Në vijim të veprimeve, në kuadër të këtij operacioni, Policia ka ushtruar kontroll në banesës e shtetasit D. A., ku ka gjetur një granatë, e cila u sekuestrua në cilësinë e provës materiale, së bashku me një sasi lënde të dyshuar narkotike kanabis, një peshore elektronike dhe 2 aparate celulare./CNA.al





Lajmet e fundit nga