web counter
LEXO PA REKLAMA!

SHKARKO APP

App Store
Google Play

Mashtrim me "call center"/ Vihen në pranga organizatori dhe 6 operatorë

14 Maj 2025, 11:40, Kronika CNA

Mashtrim me "call center"/ Vihen në pranga organizatori dhe 6

Policia e Shtetit ka arrestuar 1 person dhe ka shpallur në kërkim dy të tjerë, si organizatorë për mashtrime kompjuterike.

Blutë kanë zbuluar në Tiranë një "call center" ku kryhej mashtrimi kompjuterik dhe kanë vënë në pranga 6 punonjës të këtij subjekti si dhe ka vënë nën hetim 4 të tjerë.

Në kuadër të këtij operacioni gjithashtu u gjetën dhe sekuestruan pajisje kompjuterike dhe celularë që i shërbenin mashtrimit.

Njoftimi i policisë

Policia e Shtetit/Vijon në Shqipëri, operacioni policor ndërkombëtar i koduar “Platforma”, për goditjen e një grupi të strukturuar kriminal të përfshirë në mashtrime përmes një platforme të rreme investimesh online.

Drejtoria për Hetimin e Krimeve Kibernetike, në bashkëpunim me Sektorin për Hetimin e Krimeve Ekonomike dhe Financiare të DVP Tiranë dhe në drejtimin e Prokurorisë së Tiranës, finalizon në këtë kuadër, operacionin policor të koduar “Recovery”.

Zbulohet një call center në Tiranë, ku kryhej mashtrim kompjuterik.

Vihet në pranga njëri nga 3 organizatorët e kësaj veprimtarie kriminale.  Punohet për kapjen e 2 të tjerëve.

Gjithashtu, në pranga 6 punonjës në këtë subjekt, si dhe në hetim 4 të tjerë. Sekuestrohen pajisje kompjuterike dhe celularë që i shërbenin mashtrimit.

Në kuadër të operacionit “Recovery” dhe si rezultat i kontrolleve të kryera në vijim të operacionit ndërkombëtar “Platforma”, shërbimet e Policisë konstatuan se kati i parë i një pallati në rrugën “Janos Hunyadi”, ishte përshtatur si call center.

Nga ndërhyrja në këtë subjekt, u kapën në flagrancë dhe u vunë në pranga, punonjësit, shtetasit I. K., 33 vjeç, banues në Farkë, L. V., 22 vjeç, banues në Krujë, E. H., 38 vjeç, banues në Tiranë, M. M., 33 vjeç, banues në Tiranë, D. R., 34 vjeç, banues në Tiranë dhe A. P., 36 vjeç, banues në Tiranë.

Gjithashtu, u kapën në flagrancë, punonjësit, shtetasit A. P., 40 vjeçe, V. A., 38 vjeçe, K. A., 24 vjeçe dhe S. M., 38 vjeç, të gjithë banues në Tiranë, për të cilët nisi procedim në gjendje të lirë.

Si rezultat i hetimeve të kryera në kuadër të këtij operacioni, u identifikuan 3 organizatorët e mashtrimit kompjuterik, nëpërmjet këtij call centeri, shtetasit A. Sh., 36 vjeç, banues në Tiranë, A. R., 34 vjeç dhe A. G., 38 vjeç.

Shtetasi A. Sh. u kap nga Policia dhe u vu në pranga, në kuadër të operacionit “Recovery”. Ndërkaq, vijon puna për kapjen e 2 shtetasve të tjerë.

Materialet procedurale iu referuan Prokurorisë së Tiranës, për veprime të mëtëjshme./ CNA





Lajmet e fundit nga