web counter
LEXO PA REKLAMA!

SHKARKO APP

App Store
Google Play

Kontrolle në akset rrugore në Berat/ 6 të arrestuar dhe rreth 1000 gjoba për drejtuesit e automjeteve

15 Prill 2025, 13:20, Kronika CNA

Kontrolle në akset rrugore në Berat/ 6 të arrestuar dhe rreth

Policia Rrugore e Beratit vijon monitorimet në të gjitha akset e qarkut, me qëllim parandalimin e aksidenteve dhe përmbushjen e parametrave të sigurisë rrugore.

Vëmendje e veçantë u është kushtuar mjeteve të cilët qarkullojnë me xhama të riveshur, si dhe shtetasve që drejtojnë mjetin, nën ndikimin e alkoolit.

Gjatë 2 javëve të fundit, janë arrestuar 6 shtetas, për drejtim të mjetit, në ndikimin e alkoolit. Gjithashtu, janë proceduar në gjendje të lirë 3 shtetas për drejtim të mjetit, pa leje.

Më tej, gjatë kësaj periudhe:

-janë ndëshkuar administrativisht 4 drejtues mjetesh, për drejtim të mjetit nën efektin e alkoolit;

-janë ndëshkuar 294 drejtues mjetesh për parakalime të gabuara; 

-janë ndëshkuar 73 drejtues automjetesh për mosvendosjen e rripit të sigurimit;

-janë ndëshkuar 26 drejtues mjetesh për shpejtësi mbi normat e lejuara;

-janë ndëshkuar 294 drejtues automjetesh për ndalim ose pushim të automjetit në kundërshtim me sinjalistikën rrugore;

-janë ndëshkuar 20 drejtues mjetesh për përdorimin e celularit gjatë drejtimit të mjetit;

-janë ndëshkuar 255 drejtues mjetesh për shkelje të tjera të Kodit Rrugor.

Kontrollet do të vijojnë në të gjitha akset rrugore të qarkut.

Policia Rrugore e Beratit apelon për të gjithë drejtuesit e automjeteve që të zbatojnë me rigorozitet rregullat e qarkullimit rrugor./CNA

 

 

 

 

 





Lajmet e fundit nga