web counter
LEXO PA REKLAMA!

SHKARKO APP

App Store
Google Play

Kontrollet për sigurinë rrugore/ Gjobiten 1425 drejtues mjetesh në Shkodër

11 Prill 2025, 15:15, Kronika CNA

Kontrollet për sigurinë rrugore/ Gjobiten 1425 drejtues mjetesh

Policia Rrugore e Shkodrës ka zhvilluar aksione kontrolli në akset rrugore, me qëllim parandalimin e aksidenteve dhe garantimin e sigurisë rrugore.

Akset monitorohen pandërprerë, me pajisje të logjistikës bashkëkohore, të loguara dhe të paloguara, me qëllim menaxhimin e trafikut dhe evidentimin e shkeljeve që janë burim aksidenti apo që bëhen pengesë për qarkullimin.  

Gjatë 10 ditëve të fundit janë arrestuar 4 drejtues mjetesh dhe janë proceduar penalisht 10 të tjerë, për veprat penale "Drejtimi i mjeteve në mënyrë të parregullt" dhe "Shkelja e rregullave të qarkullimit rrugor". Janë vendosur gjithsej 1425 masa administrative për shkelje të ndryshme të Kodit Rrugor, konkretisht:

88 masa për mosvendosjen e rripit të sigurimit

48 masa për mosvendosjen e kaskës mbrojtëse

36 masa për përdorimin e celularit gjatë drejtimit të mjetit

22 masa për drejtim mjeti nën efektin e alkoolit

28 masa për xhama të errësuar

230 masa për parakalime të gabuara

627 masa për ndalim apo qëndrim të gabuar

260 masa për shkelje të tjera të Kodit Rrugor

86 masa për sjelljen e drejtuesve të automjeteve ndaj këmbësorve.

Kontrollet nga Policia Rrugore do të vijojnë në të gjitha akset rrugore urbane, interurbane dhe rurale, duke përdorur të gjitha mjetet bashkëkohore logjistike, me qëllim përmbushjen e parametrave të sigurisë rrugore.    

Policia Rrugore e Shkodrës apelon për të gjithë drejtuesit e mjeteve që të zbatojnë me rigorozitet rregullat e qarkullimit rrugor, të mos kryejnë parakalime të gabuara, të mos përdorin celularin gjatë drejtimit të mjetit dhe të mos drejtojnë mjetin nën efektin e alkoolit apo në gjendje të dehur./CNA

 





Lajmet e fundit nga