web counter
LEXO PA REKLAMA!

SHKARKO APP

App Store
Google Play

I dënuar me 4 vjet burg për kultivim të narkotikëve/ 33-vjeçari ekstradohet nga Italia

31 Tetor 2025, 11:01, Kronika CNA

I dënuar me 4 vjet burg për kultivim të narkotikëve/

Një 33-vjeçar, i dënuar me 4 vjet burg për kultivim të narkotikëve, është ekstraduar nga Italia. I ekstraduari është shtetasi me inicialet E.G., i lindur në Krujë. Nga dënimi i Gjykatës së Krujës, 33-vjeçarit i ka mbetur për të vuajtur edhe rreth 1 vit.

Sipas informacioneve, në vitin 2021, 33-vjeçari në rolin e organizatorit, ka bashkëpunuar me 3 persona, për të përgatitur një sipërfaqe toke në fshatin Krastë të Krujës, për kultivim të bimëve narkotike.

Më tej, gjatë kontrolleve në banesat e personave të përfshirë në këtë rast, policia gjeti 240 fidanë kanabisi, 1 armë zjarri me municion dhe mjete që i shërbenin kultivimit të bimëve narkotike.

Njoftimi i policisë:

Interpol Tirana

Në vitin 2021, organizoi kultivimin e bimëve narkotike në Krujë, ekstradohet nga Italia, 33-vjeçari.

Në vijim të bashkëpunimit të ngushtë ndërmjet strukturave homologe të Interpolit, në Tiranë dhe në Romë, u finalizua procedura për ekstradimin nga Italia, në Shqipëri, të shtetasit të shpallur në kërkim ndërkombëtar, E. G., 33 vjeç, të lindur në Krujë.

Gjykata e Rrethit Gjyqësor Krujë, në vitin 2023, e ka dënuar këtë shtetas, me 4 vjet burgim, për veprën penale “Kultivimi i bimëve narkotike”. Nga dënimi, 33-vjeçarit i ka mbetur për të vuajtur rreth 1 vit burgim.

Në vitin 2021, shtetasi E. G., në rolin e organizatorit, ka bashkëpunuar me 3 shtetas, për të përgatitur një sipërfaqe toke (pronë publike) në fshatin Krastë, Krujë, për kultivim të bimëve narkotike. Si rezultat i ndërhyrjes së Policisë, tentativa për këtë rast kultivimi u parandalua që në fazë fillestare.

Më tej, gjatë kontrolleve në banesat e shtetasve të implikuar në këtë rast, Policia gjeti 240 fidanë Cannabisi, 1 armë zjarri me municion dhe mjete që i shërbenin kultivimit të bimëve narkotike. /CNA





Lajmet e fundit nga