web counter
LEXO PA REKLAMA!

SHKARKO APP

App Store
Google Play

E fundit!

x

Dhuna ndaj biznesmenit Arben Çipa/ Reagon Unioni Turistik Shqiptar: Në pronat e pëlqyera nga të fortët nuk lejohet të investojë askush

25 Shkurt 2025, 20:43, Kronika CNA

Dhuna ndaj biznesmenit Arben Çipa/ Reagon Unioni Turistik Shqiptar:

Unioni Turistik Shqiptar ka reaguar pas dhunës së ushtruar disa ditë më parë ndaj biznesmenit Arben Çipa. Në një reagim për mediat Unioni shprehet se dhuna ndajn Çipës është një akt i paprecedentë.

Unioni Turstik Shqiptar u ka bërë thirrje ILD, Policisë së Shteti dhe Prokurorit të Përgjithshëm të reagojnë dhe mos të lejohet freenimi  i investimeve në turizë.

 

Njoftimi i plotë

Deklaratë publikë

Drejtuar :

Inspektoriatit të Lartë të Drejtësisë

Prokurorit të Përgjithshëm

Drejtorit të Përgjithshëm të Policisë së Shtetit

Unioni Turistik Shqiptar, duke marrë shkas nga ngjarja e fundit, e dhunimit të Kryetarit të Degës së Unionit Turistik për Sarandën z. Arben Çipa, e cila ka tronditur mbarë komunitetin e biznesit të turizmit, po ju drejtojmë këtë apel publik. Ndodhja në fjalë, e publikuar në gjithë spektrin e mediave shqiptare dhe që vijon të shtojë jehonë në diskutimet publike, përbën një akt të paprecedentë të dhunimit të një biznesmeni të njohur të qytetit të Sarandës nga dy individë të cilët e kanë sulmuar barbarisht me pretendime se po ju shfrytëzon pronat, të cilat nuk figurojnë në pronësi të tyre, por ashtu siç ndodh rëndom në vendin tonë, ku në pronat e pëlqyera nga të fortët e katundit nuk lejohet të investojë askush tjetër përveç tyre.

Komuniteti ynë është tronditur dhe alarmuar nga këto ngjarje të shëmtuara të cilat për fat të keq vazhdojnë të përsëriten pasi këto raste nuk marrin ndëshkimin e merituar nga autoritetet siç ndodhi edhe në rastin konkret të vendimit të Gjykatës së Faktit, Sarandë e cila vendosi arrest shtëpie për njërin nga autorët e arrestuar të ngjarjes, që sipas raportimit të mediave personat në fjalë janë edhe me precedent juridik në të kaluarën. Përmes kësaj deklarate, ne u bëjmë apel organeve më të larta ligj-zbatuesë të reagojnë dhe të mos tolerojnë që raste të tilla të bëhen shkas për të frenuar investimet ne sektorin e turizmit dhe të dëmtojnë imazhin e mirë të Shqipërisë turistike. Me besimin se reagimi juaj nuk do të jetë thjesht burokratik, por aktiv institucional dhe rigoroz!

Kryesia e Unionit Turistik Shqiptar/ CNA





Lajmet e fundit nga