web counter
LEXO PA REKLAMA!

SHKARKO APP

App Store
Google Play

DETAJE tronditëse/ 33-vjeçari hynte lirshëm në banesën e vajzës, kur nisën abuzimet

11 Janar 2024, 11:32, Kronika CNA

DETAJE tronditëse/ 33-vjeçari hynte lirshëm në

Detaje të reja kanë dalë nga ngjarja që ndodhi në Greqi në qytetin e Volosit, ku babi 50-vjeçar, Fation Tarellari, vrau kunatin e tij, vëllain e bashkëjetueses, 33-vjeçarin Erion Pelivani, pasi dyshohet se kishte përdhunuar dhe shantazhuar vajzën e tij.

Në një intervistë për televizionin "Skai", avokati i autorit të vrasjes dha detaje të reja nga ngjarja.

Ai tha se 33-vjeçari hynte dhe dilte në banesën e tij, e se përdhunimet kishin ndodhur në shtëpi. Sipas tij në ato raste në banesë ndodhej dhe vëllai i vajzës, i cili në atë kohë ishtë 4 vjeç, ndërsa prindërit ishin në punë.

Sipas rrëfimit të vajzës, 33-vjeçari kishte filluar të ngacmonte seksualisht vajzën në moshën 9-vjeçare, e përdhunimet kishin filluar nga mosha 12 vjeç deri në 14 vjeç, e më pas ai e shantazhonte atë dhe i kërkonte para, në të kundërt do të zbulonte gjithçka.

Avokati i 50-vjeçarit shqiptar tha gjithashtu se vajza u kishte treguar motrave të saj se po ngacmohej seksualisht, por nuk kishte përmendur përdhunim, e nuk ua kishte treguar identitetin e personit.

Avokati theksoi se ditën e hënë ai kishte shkuar në zyrën e tij për të biseduar me të që të ngrinte një padi pasi ishte informuar se vajza e tij ishte abuzuar seksualisht, por ajo nuk tregonte identitetin.

Pasi i ati këmbënguli dhe i bëri presion të fortë vajzës, një ditë më vonë vajza zbuloi identitetin e përdhunuesit.

Pas ngjarjes, avokati thotë se klienti i tij e lajmëroi dhe ishte në gjendje tragjike. "Në momentin kur më tha se çfarë kishte ndodhur e këshillova të informonte autoritetet dhe të dorëzohej në polici", thotë avokati i autorit të vrasjes./CNA 





Lajmet e fundit nga