E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Detaje nga atentati në Shkodër/ U qëlluan me breshëri automatiku, çfarë dëshmuan të plagosurit

13 Mars 2024, 08:49, Kronika CNA

Detaje nga atentati në Shkodër/ U qëlluan me breshëri

Detaje të reja janë zbardhur nga atentati në Shkodër ku u plagosën dy persona, shtetasit GJ. Ndërshtiqaj dhe GJ. Nika.

Të plagosurit janë qëlluar me breshëri plumbash, me 106 plumba, katër karikatorë automatiku, por janë prekur nga dy plumba, secili prej tyre.

Pas ngjarjes së rëndë, tre automatikë kallashnikov janë gjetur në automjetin e djegur të autorëve, ndërsa janë sekuestruar nga policia si provë materiale.

Dy shtetasit janë qëlluar pasi kanë dalë nga automjeti i tyre, në afërsi të një lokali.

Ende nuk është bërë i mundur identifikimi i autorëve. Gj. Ndërshtiqaj ka pasur armën e shërbimit, por nuk ka arritur të kundërpërgjigjet.

Ata janë fshehur pas makinës së tyre, e cila ka marrë flakë nga plumbat e shumtë.

Autorët, me një automjet fouristradë, pa targa, dyshohet se i kanë ndjekur të plagosurit nga mbrapa dhe këta të fundit pasi janë ndalur në afërsi të një lokali menjëherë i kanë qëlluar.

Ndërsa të plagosurit kanë dhënë dëshminë e tyre, pasi ndodhen jashtë rrezikut për jetën. Ata janë shprehur se nuk kanë arritur të shohin se kush i ka qëlluar pasi janë goditur menjëherë sapo kanë dalë nga automjeti.

Po ashtu kanë shtuar se nuk kanë asnjë konflikt dhe nuk e dinë motivin pse ka ndodhur dhe kush ka kryer atentatin ndaj tyre.

“Sapo zbritëm nga makina dëgjuam të shtëna armësh. Nuk kemi arritur që të shohim se kush ishin ata që na qëlluan me armë. Nuk kemi konflikte me persona të tjerë dhe nuk e dimë arsyen përse na qëlluan. Në momentin kur nisën të shtënat kemi lëvizur me shpejtësi duke u munduar të shpëtojmë. Derisa janë larguar qëndruam pas makinës”.

Sipas burimeve policore objektivi ka qenë shtetasi Gj. Nika. Është ende e paqartë se cili është motivi i kësaj ngjarjeje të rëndë. Policia ka shoqëruar disa persona dhe po heton ngjarjen.

Gjatë mbrëmjes së kaluar, kreu i Policisë së Shtetit, Muhamet Rrumbullaku, shkoi në Shkodër për të hetuar mbi atentatin që u bë ndaj policit Gj. Ndërshtiqaj dhe kunatit të tij Gj. Nika./ CNA