E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Dan Hutra tenton të arratiset nga burgu

4 Janar 2024, 17:55, Kronika CNA

Dan Hutra, i njohur ndryshe si vrasësi i grave, ka tentuar të arratiset nga burgu i Fierit.

Ai kishte planifikuar të largohej nga ambientet e burgut, në bashkëpunim me tre të paraburgosur të tjerë.

Në dhomën ku ishin të akomoduar, ata kishin nisur prerjen e zgarës së dritares me mjete te improvizuara.

Punonjësit e sigurisë gjetën në dhomën e Dan Hutrës mjete për arratisje, konkretisht: një çarçaf i përshtatur si litar dhe mjete prerëse të improvizuara.

Zbardhet dinamika/ Dan Hutra plagosi ish të dashurën, më pas shkaktoi tragjedinë në Kamëz
1 Mars, 17:13

Kujtojmë se të mërkurën e 1 marsit 2023 40-vjeçari Dan Hutra, një ish-i dënuar, vrau 3 gra dhe plagosi tre të tjera, në tre zona të ndryshme të Tiranës.

Fillimisht, me një mjet tip “Benz” të zi, ai shkoi në Astir me një kallashnikov dhe thikë brenda makinës. Dan Hutra plagosi me thikë ish të dashurën e tij, 40-vjeçaren iniciale M.G dhe i mori asaj me dhunë një shumë parash.

Më pas, ai shkoi në banesën e ish-bashkëjetueses së tij në Kodër-Kamëz dhe plagosi më armë zjarri ish-bashkëjetuesen Elena Hysa dhe nënën e saj Kujtime Hysa.

Gjithashtu, ai vrau me armë motrën e ish-bashkëjetueses Mevlute Hysa dhe kunatën e saj Hasime Dafku.

Trondit Dan Hutra/ Masakrën e bëra me vetëdije, edhe 20 veta të gjeja në shtëpi do i vrisja
18 Prill, 22:36

40-vjeçari nuk u mjaftua me kaq, por shkoi në Bathore dhe vrau edhe 31-vjeçaren Etleva Kurti, raporton CNA.

Kjo e fundit ishte motra e Vladimir Kurtit, një person ky me të cilin Dan Hutra kishte pasur një debat të ashpër teksa vuanin të dy dënimin në të njëjtin burg.

Autori i pashpirt u arrestua disa orë më vonë dhe nuk shprehu pendesë për vrasjet, madje tregoi se kishte planifikuar të ekzekutonte edhe një person të katërt, një burrë në Vaqarr që e fajësonte për humbjen e jetës së babait të tij.

Dan Hutra ka një skedë të pasur kriminale ku përfshihen vepra të ndryshme penale për përdhunim, pengmarrje, vrasje, 2 tentativa të bujshme arratisjeje, sherret në burg, vjedhje, në total 20 vite histori kriminale./ CNA