web counter
LEXO PA REKLAMA!

SHKARKO APP

App Store
Google Play

CNA e raportoi/ Policia detaje nga operacioni, 3 mijë produkte kontrabandë në biznesin e kozmetikës

22 Korrik 2024, 11:18, Kronika CNA
CNA e raportoi/ Policia detaje nga operacioni, 3 mijë produkte
Foto ilustruese

CNA raportoi ditën e djeshme për një aksion të policisë në subjektin "Global Cosmetics & Distribution", ku janë gjetur sasi të konsiderueshme mallrash kontrabandë.

Për këtë lajm ka dalë këtë të hënë policia me një njoftim zyrtar.

Policia deklaron se në ambientet e biznesit janë gjetur rreth 3 mijë produkte të ndryshme kozmetike, të cilat ishin kontrabandë.

Burime nga policia i thanë CNA-së se ka pasur dyshime se në këto ambiente mund të jetë zhvilluar edhe aktiviteti i shitjes së lëndëve narkotike.

Si rrjedhojë janë shpallur në kërkim Tea Karanxha dhe Ergys Mezini.

Gjithashtu, blutë kanë sekuestruar 60 shampo, 20 maska floku, 260 bojë flokësh, si dhe 32 kremra flokësh.

“Më datë 19.07.2024, u referuan materialet në Prokurorinë pranë Gjykatës së Shkallës së Parë, të Juridiksionit të Përgjithshëm Tiranë, për shtetasin Ergys Mezini, banues në Tiranë, sepse me datë 18.07.2024, në rrugën "Nasi Pavllo”, te subjekti në administrim të tij "Global Cosmetics & Production" gjatë kontrollit, u konstatuan produkte të ndryshme kozmetike, të cilat ishin kontrabandë. Me cilësinë e provës materiale u sekuestruan, 60 (gjashtëdhjetë) shishe shampo 300 mg me mbishkrimin L'oreal". 20 (njëzetë) kuti maska floku me mbishkrimin "L' oreal", 260 (dyqind e gjashtëdhjetë) tubete me bojë flokësh me mbishkrimin "L'oreal", si dhe 32 (tridhjetë e dy) kremra flokësh të markës "L'oreal".

U referuan materialet në Prokurorinë pranë Gjykatës së Shkallës së Parë, të Juridiksionit të Përgjithshëm Tiranë për shtetasen Tea Karanxha, banuese në Tiranë,  sepse me datë 18.07.2024, në rrugën "'Nasi Pavllo", te subjekti në administrim të saj, “Global Beautv & Cosmetics"

Gjatë kontrollit, rezultoi se kishte diferenca në inventarin e kryer nga hetimi tatimor. Me cilësinë e provës materiale u sekuestrua një sasi e konsiderueshme mallrash kozmetike rreth 3.000 (tre mijë) copë", njofton policia./ CNA





Lajmet e fundit nga