web counter
LEXO PA REKLAMA!

SHKARKO APP

App Store
Google Play

E fundit!

x

Aksident i dyfishtë në aksin Pogradec-Qafë Thanë/ Raportohet për të lënduar, zbulohet shkaku

25 Shkurt 2023, 19:22, Kronika CNA
Aksident i dyfishtë në aksin Pogradec-Qafë Thanë/ Raportohet
Foto ilustruese

Dy mjete janë përplasur në aksin Pogradec-Qafë Thanë, duke shkaktuar të lënduar dhe dëme të shumta materiale.

Sipas të dhënave, dyshimet e para janë se aksidenti ka ndodhur për shkak të shpejtësisë së lartë dhe pranisë së lagështirës.

Në zonë nuk janë parë shenja frenimi gjë që ngre dyshimet e forta për policinë se mjeti tip “Audi”, lëvizte me shpejtësi të lartë dhe ka përplasur mjetin tip “Ford”.

Si pasojë e aksidentit, personat që udhëtonin me mjetin “Ford” u dërguan në spital për kontroll, por asnjëri prej tyre nuk ka shfaqur rrezik për jetën.

"Më datë 25.02.2023, rreth orës 18:20, në aksin rrugor Pogradec-Qafë Thanë, në afërsi të fshatit Piskupat, Pogradec, shtetasi E. D., duke drejtuar automjetin tip "Audi Q7", dyshohet se ka humbur kontrollin mbi drejtimin e mjetit, ka dalë nga rruga dhe më pas ka përplasur automjetin tip "Ford", me drejtues shtetasin A. M., 36 vjeç, banues në fshatin Vashtëmi, Maliq.

Për pasojë, janë dëmtuar drejtuesi A. M. dhe pasagjerët (bashkëshortja dhe dy fëmijët e shtetasit A. M) të automjetit tip "Ford", si dhe shtetasi T. K., 36 vjeç, pasagjer në automjetin tip "Audi Q7", të cilët aktualisht ndodhen në spitalin e Pogradecit, jashtë rrezikut për jetën.

Me drejtuesit e automjeteve, po kryen veprimet e mëtejshme procedurale.

Grupi hetimor po punon për përcaktimin e shkaqeve të aksidentit", njofton policia./CNA.al





Lajmet e fundit nga