LEXO PA REKLAMA!

SHKARKO APP

3 vite pas atentatit ndaj Inez Hajrullait/ Gjykata e Vlorës cakton 150 vite burg për fajtorët

22 Nëntor 2022, 10:19, Kronika CNA

3 vite pas atentatit ndaj Inez Hajrullait/ Gjykata e Vlorës cakton 150 vite

Ka përfunduar gjykimi ndaj 5 të akuzuarve për atentatin ndaj Inez Hajrullait, që ka ndodhur më 10 maj 2019.

Gjykata e Vlorës ka caktuar 150 vite burg për 5 të akuzuarit.

Trupa gjykues e përbërë nga Pëllumb Zaimj, Entela Gjoni dhe Adelajda Gjyzi ka caktuar masat për:

Daut Elmazin i akuzuar për “Vrasje në rrethana cilësuese” e kryer në bashkëpunim, e mbetur në tentativë. U dënua me 35 vite burg.

Gentjan Dautaj ( Zoto) i akuzuar për “Vrasje në rrethana cilësuese”, kryer në bashkëpunim mbetur në tentativë dhe mbajtjes pa leje dhe prodhimit të armëve, armëve shpërthyese dhe municionit. U dënua më 35 vite burg.

Igli Memaj (Suloti) i akuzuar për ” Vrasje në rrethana cilësuese” e kryer në bashkëpunim e mbetur në tentativë. U dënua me 30 vite burg.

Serxhio Ademi ( Cima) dhe Albano Goxhaj të akuzuar për  “Vrasje në rrethana cilësuese”. U dënuar me nga 25 vite burg secili.

Dinamika e ngjarjes:

Kujtojmë se ngjarja ka ndodhur tre vite më parë më 10 Maj në lagjen ‘Uji i Ftohtë” në Vlorë.

Atë ditë Inez Hajrulla ishte i ulur në një lokal, kur u qëllua me armë zjarri, nga një automjet i cili ishte në lëvizje.

Hajrulla i shpëtoi atentatit, por rastësisht mbeti i plagosur shtetasi Dajdo Cenodemaj, i cili po pinte lafe në Lungo Mare.

Autorët e ngjarjes u larguan menjëherë dhe dogjën makinën në Babicë të Vogël.

Atë ditë Hajrulla ka qënë nën shoqërinë e shtetasit Ervis Matodashaj.

Sipas policisë së Vlorës pjesëmarrës në këtë atentat ishin 9 persona: Fatmir Hyseni, “Doqia”, Daut Elmazi, nipi i Armando Sulejmanit “Çipurit”, Igli Memaj, Gentian Dauti, Serxho Ademi, Albano Goxhaj, Dejvison Serjani, Ardjan Ahmeti dhe Xheladin Merko.

Në vendngjarje aso kohe  janë gjetur dy gëzhoja dhe një fishek i pa goditur.

Po ashtu kujtojmë se në momentin kur autorët janë larguar me një mjet të tipit “Land Rover” ngjyrë jeshile, kanë pasur maska të vendosura në kokë dhe rrugës ata kanë përplasur edhe dy makina të rastit në afërsi të Bashkisë Vlorë.

Më pas policia e ka ndjekur këtë automjet, derisa është gjetur i djegur në Babicë të Vogël.

Gjatë kontrollit të mjetit janë gjetur dy automatikë të djegur plotësiht dhe një dorezë plastike. E djegur pjesërisht.

Për zbardhjen e kësaj ngjarje Prokuroria e Vlorës ka sekuestruar pamjet filmike, ku është evidentuar mjeti “Land Rover”, teksa afrohej në shëtitoren e Lungomares, dhe nga ky mjet ka zbritur një person.

Në atë moment 6 persona që ishin ulur në tavolat e lokalit ku ndodhej dhe shënjestra kanë ikur./CNA.al

 

 

Lajmet e fundit nga