web counter
LEXO PA REKLAMA!

SHKARKO APP

App Store
Google Play

E fundit!

x

2 plumba në kokë dhe 8 në trup/ Agjenti i AMP-së, në intubim

12 Nëntor 2025, 09:40, Kronika CNA

2 plumba në kokë dhe 8 në trup/ Agjenti i AMP-së, në

Agjenti i AMP-së, Muçi Shaljani, ndodhet në intubim. Sipas raportimeve, Shaljani ka marrë 10 plumba, 2 prej të cilëve në kokë, dhe 8 të tjerë në trup.

Shaljani u plagos në atentatin e një dite më parë ku mbeti i vrarë krahu i djathtë i Emiljano Shullazit, Gilmando Dani.

Atentati ndodhi rreth orës 14:20 në rrethrrotullimin në afërsi të aeroportit të Rinasit. Drejt automjetit me të cilin po lëviznin Dani dhe Muçi u zbrazën 50 plumba.

Dyshja sapo kishte mbërritur nga Barcelona. Gilmando Dani ishte një emër jo pak i njohur në botën e krimit.

Dani ishte një nga anëtarët e grupit të Emiljano Shullazit. Ai njihej si krahu i djathtë i tij.

Precedenti i parë zyrtar i Gilmando Danit daton më 11 shkurt 2006. Ai u vu në pranga pasi ishte shpallur në kërkim dhe ishte dënuar me 1 vit burg për akuzat për “mbajtje pa leje të armëve luftarake” dhe “kanosje në bashkëpunim”.

Gjatë arrestimit të tij policia gjithashtu sekuestroi armë dhe municione, pistoleta automatike tip Skorpions me silenciator, dy automatikë prodhim kroat e kallashnikov, radio komunikimi me distancë të afërt, radio përgjuese të valëve të strukturave të Policisë (në Tiranë dhe rrethe), fenelinë policie, dylbi speciale për shikim natën, dylbi të zakonshme, si dhe maska, doreza dhe pajisje të tjera kamuflazhi.

Dani ka qenë i lidhur me grupin kriminal të Emiljano Shullazit, shpesh përshkruar si “krahu i djathtë” i tij në aktivitetet kriminale.

Akuzat dhe dënimet

Më 7 gusht të 2009 Gilmando Dani u kontrollua pas vrasjes së katër efektivëve në Durrës nga Dritan Dajti.

Policia kishte dyshime se Dani mund të kishte qenë në vendngjarje. Më tej u zbulua se Dani nuk kishte pasur lidhje me masakrën në Durrës. Prokuroria për Krime të Rënda i bllokoi për disa ditë pasaportën, masë e cila u hoq pasi nuk u gjetën prova që ta implikonin.

Emri i Gilmando Danit është përmendur në operacione policore, thirrje për verifikim dhe procedura kontrolli, të bazuara në informacionet operative që lidhnin rrethin e tij shoqëror me individë të tjerë të hetuar për veprimtari kriminale.

Dani është përfshirë në hetime për “shtrëngim me anë të kanosjes për dhënie pasurie” në formën e grupit të strukturuar kriminal, ndaj biznesmenit Y.B.

Në nëntor të vitit 2018, Gjykata e Shkallës së Parë për Krime të Rënda në Tiranë e ka shpallur fajtor dhe e ka dënuar me 12 vite burg. 

Dani ka qenë i vendosur nën regjimin “41-bis” (që përdorët për të burgosurit me rrezikshmëri të lartë) deri në transferimin e tij në burgun e përditshëm të sigurisë së zakonshme në Rrogozhinë në mars 2022.

Ai ka dhënë dëshmi në gjykatë që lidhen me takimin e tij me Y.B. dhe prezantimin e tij nga Shullazi. 

Ndaj Danit është bërë atentat dhe dy herë më parë, por mbeti i plagosur. Ngjarjet ndodhën në vitet 2011 dhe në 2015.

Dani u lirua nga burgu në 6 tetor 2024 pasi kreu pjesën më të madhe të dënimit./ CNA





Lajmet e fundit nga