web counter
LEXO PA REKLAMA!

SHKARKO APP

App Store
Google Play

Zgjedhjet lokale në Kosovë/ Kurti: Ta shfrytëzojmë këtë ditë për t'u dhënë drejtim të mirë komunave

12 Tetor 2025, 17:32, Kosova & Bota CNA

Zgjedhjet lokale në Kosovë/ Kurti: Ta shfrytëzojmë

Kryeministri në detyrë i Kosovës, Albin Kurti u ka bërë dhe njëherë thirrje qytetarëve të votojnë.

Me anë të një postimi në rrjetet sociale, Kurti shkruan se kjo ditë e rëndësishme e demokracisë duhet shfrytëzuar për t’u dhënë një drejtim të mirë komunave të vendit.

 

"Qytetarë të Republikës,

Kanë mbetur më pak se dy orë nga e drejta jonë për të vendosur për të ardhmen e komunave.

Në çdo qytet, në çdo fshat e në çdo lagje, gjithandej nëpër komuna, thirrni familjarët, miqtë dhe të afërmit që të dalim sa më shumë për të votuar. Ta shfrytëzojmë këtë ditë të rëndësishme të demokracisë për t’i dhënë drejtim të mirë komunave tona dhe të ardhmes sonë të përbashkët.

Nga Prizreni në Mitrovicë, nga Gjakova në Gjilan, nga Peja në Ferizaj, e deri në kryeqytetin tonë, Prishtinë, ashtu që të ndihet fuqia juaj në mbarë Republikën", shkruan Kurti.

 

Kosova zhvillon sot zgjedhjet lokale në 38 komuna të vendit./CNA





Lajmet e fundit nga