web counter
LEXO PA REKLAMA!

SHKARKO APP

App Store
Google Play

E fundit!

x

Zelensky: Rusia do të dërgojë ushtarë koreano-veriorë në betejë brenda ditësh

26 Tetor 2024, 09:00, Kosova & Bota CNA

Zelensky: Rusia do të dërgojë ushtarë koreano-veriorë

Presidenti i Ukrainës, Volodymyr Zelensky, ka paralajmëruar të premten se Rusia e ka ndër mend të dërgojë trupa nga Koreja e Veriut në vijën e parë të luftës nga 27 tetori.

Një ditë më herët, shërbimi i inteligjencës ushtarake të Ukrainës tha se njësitet e para koreano-veriore, të stërvitura në Rusi, janë dërguar tashmë në rajonin e Kurskit, i cili ndodhet në kufi me Ukrainën.

Forcat ukrainase e nisën një inkursion të madh në gusht në Kursk dhe kanë kapur territor atje.

Kievi thotë se ky territor po përdoret si zonë e sigurisë kundër sulmeve të Rusisë në Ukrainë.

Zelensky tha të premten se “ushtarët e parë nga Koreja e Veriut pritet të dërgohen nga Rusia në zonat e luftës së shpejti, më 27-28 tetor”. Ai e cilësoi këtë si “përshkallëzim të pastër nga Rusia”.

“Bota mund ta shohë qartazi qëllimin e vërtetë të Rusisë, që është vazhdimi i luftës”, tha ai.

“Për këtë arsye, një reagim i fuqishëm nga liderët globalë është thelbësor”, shtoi ai.

Shtetet e Bashkuara thanë më 23 tetor se 300 ushtarë koreano-veriorë janë dërguar në Rusi.

I pyetur nëse ka trupa koreano-veriorë në Rusi, presidenti i Rusisë, Vladimir Putin, as nuk e pranoi, e as nuk e mohoi.

I pyetur për fotografitë satelitore të trupave gjatë një konference pas një samiti në Kazan të Rusisë, Putini tha se “fotografitë janë gjë serioze, nëse ka fotografi, atëherë ato pasqyrojnë diçka”./ Rel 





Lajmet e fundit nga