web counter
LEXO PA REKLAMA!

SHKARKO APP

App Store
Google Play

E fundit!

x

Xhaferi, kryeministri i parë shqiptar në RMV/ Mesazhi nga Këshilli i Ambasadorëve

30 Janar 2024, 13:20, Kosova & Bota CNA

Xhaferi, kryeministri i parë shqiptar në RMV/ Mesazhi nga

Këshilli i Ambasadorëve Shqiptarë ka uruar Talat Xhaferin, i cili është kryeministri i parë shqiptar që do të drejtojë Maqedoninë e Veriut.

Në mesazhin e Këshillit të Ambasadorëve Shqiptarë se ky moment historik nuk është i rastësishëm pasi shqiptarët kanë bërë përpjekje titanike për respektimin e të drejtave të tyre.

Sipas tyre, Talat Xhaferi do të udhëheqë me sukses të plotë qeverinë e Maqedonisë së Veriut deri në zgjedhjet parlamentare e presidenciale të prill-majit të këtij viti.

 “Nga sot, Republika e Maqedonisë Veriut do të ketë një Kryeministër Shqiptar, i pari në historinë e moderne të këtij shteti.

Ky moment historik nuk është i rastësishëm. Shqiptarët në rajon e veçanërisht në Maqedoninë e Veriut.

Kontributi dhe vizioni i Shqiptarëve dhe i përfaqësuesve të tyre politikë në shtetë-formim, në mbështetjen pa kushte të vijimit të proceseve të integrimit euro-atlantik, si dhe orientimi i tyre drejt demokracive perëndimore kanë qenë faktorë themelorë në progresin e RMV drejt ndërtimit të një shteti demokratik multi-etnik, në anëtarësimin e saj në NATO dhe në avancimin drejt integrimit në BE.

Këshilli i Ambasadorëve Shqiptarë është besimplotë se Z. Talat Xhaferi, një nga personalitetet më të spikatura ndër përfaqësuesit politikë të Shqiptarëve në RMV, me eksperiencën e jashtëzakonshme dhe maturinë që e karakterizon, do të udhëheqë me sukses të plotë qeverinë e RMV deri në zgjedhjet parlamentare e presidenciale të prill-majit të këtij viti.

Këshilli i Ambasadorëve Shqiptarë vlerëson gjithashtu se zgjedhja e një përfaqësuesi politik të Shqiptarëve në krye të qeverisë së RMV, i shërben më së miri forcimit të sigurisë e paqes, të demokracisë e mirëkuptimit ndër-etnik si dhe do të shërbejë si një shembull demokracie për tu ndjekur në të gjithë rajonin tonë.

Duke uruar Kryeministrin Talat Xhaferi për sa më shumë suksese në krye të qeverisë, KASH gjen rastin të urojë për këtë arritje historike edhe partitë politike Shqiptare dhe të gjithë Shqiptarët që jetojnë në trojet e tyre etnike në Republikën e Maqedonisë se Veriut”, thuhet në reagim. / CNA





Lajmet e fundit nga