web counter
LEXO PA REKLAMA!

SHKARKO APP

E fundit!

x

Sulm në bazën amerikane në Jordani/ Vriten 3 ushtarë, mbi 30 të tjerë të plagosur

28 Janar 2024, 22:19, Kosova & Bota CNA

Sulm në bazën amerikane në Jordani/ Vriten 3 ushtarë, mbi 30

Një sulm me dronë ka ndodhur në një bazë ushtarake amerikane në Jordani, ku janë vrarë 3 ushtarë.

Gjithashtu, nga ky sulm janë plagosur më shumë se 30 ushtarë të tjerë.

Zyrtarët amerikanë thanë se ushtarët e plagosur kanë dëmtime traumatike të trurit dhe numri i personave të lënduar mund të rritet.

Mbetet ende e paqartë pse mbrojtja ajrore nuk arriti të kapte dronin, që sulmoi bazën amerikane.

Presidenti amerikan, Joe Biden fajësoi grupet e mbështetura nga Irani.

“Përderisa ne ende po mbledhim fakte për këtë sulm, ne e dimë që u krye nga grupet militante, që mbështeten nga Irani, të cilat operojnë në Siri dhe Irak”, u shpreh Biden.

Presidenti paralajmëroi se: “Ne do të vazhdojmë angazhimin e tyre për të luftuar terrorizmin. Nuk kam dyshim, ne do të mbajmë përgjegjës të përfshirët në kohën dhe mënyrën që ne do të zgjedhim”.

Kjo është hera e parë që trupat amerikane vriten nga një sulm në Lindjen e Mesme që nga fillimi i luftës së Gazës./ CNA

 





Lajmet e fundit nga