web counter
LEXO PA REKLAMA!

SHKARKO APP

App Store
Google Play

E fundit!

x

Viti 2024 më vdekjeprurësi për gazetarët, thyhet rekordi i 2007

14 Shkurt 2025, 11:25, Kosova & Bota CNA

Viti 2024 më vdekjeprurësi për gazetarët, thyhet rekordi i

Sipas një raporti të Komitetit për Mbrojtjen e Gazetarëve (CPJ), viti që lamë pas ishte më vdekjeprurësi për gazetarët në tri dekadat e fundit. Gati 124 gazetarë kanë mbetur të vrarë, dy të tretat e të cilëve janë vrarë në sulmet e lidhura me Izraelin. Në raport thuhet se shtimi i konflikteve globale ka çuar dhe në rritjen e konsiderueshme të numrit të gazetarëve të vdekur. Kryesisht vdekje ka pasur në shtete si Sudani, Pakistani dhe Mianmari.

Në konfliktin Izrael-Gaza, 85 gazetarë humbën jetën në vitin 2024 dhe 78 të tjerë në 2023. Raporti thekson se vrasja e punonjësve të medias evidenton rreziqet me të cilat përballen dhe kërcënimi në rritje në mbarë botën.

Vdekja e 124 gazetarëve për vitin 2024, kalon rekordin e vitit 2007 ku humbën jetën 113 gazetarë, shumica prej tyre në luftën e Irakut.

“Gazetarët konsiderohen civilë në të drejtën ndërkombëtare humanitare dhe vënia në shënjestër e tyre në një konflikt është një krim lufte. Kushtet mund të bëhen më vdekjeprurëse për shtypin kur ata që vrasin gazetarët nuk merren në përgjegjësi. Dhe më pak gazetarë do të thotë më pak informacion për qytetarët që kërkojnë të vërtetën”, thuhet në raport./ CNA





Lajmet e fundit nga