web counter
LEXO PA REKLAMA!

SHKARKO APP

App Store
Google Play

E fundit!

x

Vdekja nga mbidoza e Mathew Perry-t, një prej mjekëve pranon akuzën

31 Gusht 2024, 11:11, Kosova & Bota CNA
Vdekja nga mbidoza e Mathew Perry-t, një prej mjekëve pranon
Matthew Perry

Një gjykatë federale në Los Anxhelos i hoqi licencën njërit prej dy mjekëve të akuzuar për vdekjen nga mbidoza me ketaminë të aktorit Matthew Perry.

Mark Chavez, 54 vjeç, pranoi një marrëveshje me prokurorët dhe pritet të deklarohet fajtor për ndihmën në furnizimin e paligjshëm të ketaminës.

Vdekja e Matthew Perry, i cili ishte jashtëzakonisht i popullarizuar si ‘Chandler’ në serialin televiziv ‘Friends’ – në tetor 2023 tronditi Hollywood-in.

Një mjek tjetër, Salvador Placencia, akuzohet se ka blerë ketaminë nga Chavez për t’ia shitur me një çmim shumë më të lartë Mattheë Perry.

Jasvin Sangha, e njohur si “mbretëresha e ketaminës”, akuzohet se ka furnizuar me doza aktorin. 

Gjyqi i tyre është caktuar për në tetor. Deri atëherë, Mark Chavez pritet të pranojë fajin për të shmangur gjykimin. Përmes avokatit të tij, ai tha se ishte i “penduar” për veprimin e tij.

“Klienti im pranon përgjegjësinë e tij. Ai po bën gjithçka që mundet për të bashkëpunuar dhe është jashtëzakonisht i penduar”, u tha Matt Binninger gazetarëve jashtë gjykatës.

Ky anestetik, ndonjëherë i abuzuar për stimulim ose eufori, fillimisht u mor nga aktori nën mbikëqyrje si pjesë e seancave për trajtimin e depresionit. 

Një zyrtar i DEA i përshkroi Placencia dhe Chavez si mjekë “mashtrues” që “shkelën betimin e Hipokratit”. /CNA 





Lajmet e fundit nga