web counter
LEXO PA REKLAMA!

SHKARKO APP

App Store
Google Play

E fundit!

x

Thellohet "krisja" SHBA-Britani/ Trump për Starmer: Nuk duam njerëz që bashkohen në luftë pasi kemi fituar

7 Mars 2026, 22:36, Kosova & Bota CNA

Thellohet "krisja" SHBA-Britani/ Trump për Starmer: Nuk duam

Presidenti i Shteteve të Bashkuara të Amerikës, Donald Trump ka postuar një mesazh për kryeministrin britanik, Sir Keir Starmer në llogarinë e tij në platformën Truth Social.

Trump tha se Mbretëria e Bashkuar më në fund po e mendon seriozisht dërgimin e dy transportuesve të avionëve në Lindjen e Mesme, por siç duket Trump po e refuzon ofertën.

“Mbretëria e Bashkuar, dikur aleati ynë i Madh, ndoshta më i Madhi nga të gjithë, më në fund po e mendon seriozisht dërgimin e dy transportuesve të avionëve në Lindjen e Mesme. Kjo është në rregull, Kryeministër Starmer, nuk kemi më nevojë për to - Por do ta mbajmë mend. Nuk kemi nevojë për njerëz që bashkohen në luftëra pasi kemi fituar tashmë”, thuhet në postimin e tij.

Reagimi i Trump vjen pas raportimeve se Mbretëria e Bashkuar po përgatit një aeroplanmbajtëse për vendosje të mundshme në Lindjen e Mesme.

Përshpejtimi i kohës së gatishmërisë për HMS Prince of Wales do të thotë se anija gjigante do të jetë në gjendje të përgjigjet më shpejt nëse merret një vendim për t'u mobilizuar. /CNA





Lajmet e fundit nga