web counter
LEXO PA REKLAMA!

SHKARKO APP

App Store
Google Play

Stuhi të rrezikshme dimri përfshijnë Shtetet e Bashkuara

24 Shkurt 2023, 10:21, Kosova & Bota CNA

Stuhi të rrezikshme dimri përfshijnë Shtetet e Bashkuara

Një stuhi dimërore me borë dhe erëra të forta goditi Shtetet e Bashkuara të Amerikës nga bregu në breg, paralizoi rrugët dhe errësoi rreth 1 milion shtëpi dhe biznese.

Shërbimi Kombëtar i Motit paralajmëroi për një "stuhi të ftohtë dhe të rrezikshme dimri" deri të shtunën. Deri në 1.5 metra borë mund të bjerë në disa male pranë Los Anxhelosit, duke përbërë një rrezik për ortekët.

Si pasojë e stuhisë u mbyllën autostradat ndërshtetërore nga Arizona në Uajoming, shoferët u bllokuan në makina dhe pati ndërprerje të energjisë elektrike për qindra mijëra qytetarë dhe familje.

Stuhia e rëndë në veri të SHBA-së, mbylli shkollat, zyrat dhe gjithë legjislaturën e Minesotës.

Sipas shërbimit të gjurmimit, FlightAware, për shkak të motit të lig, u anuluan më shumë se 1.600 fluturime në gjithë vendin. Mbi 5.000 fluturime të tjera u vonuan.

Në Uajoming, ekipet e shpëtimit u përpoqën të arrinin te njerëzit e bllokuar në automjete, por erërat e forta dhe bora krijuan një "situatë pothuajse të pamundur" për ta, tha Jeremy Beck, shef i patrullës së autostradës së Uajoming.

Erërat e fuqishme ishin problemi më i madh në Kaliforni, duke rrëzuar pemë dhe duke shkatërruar linjat elektrike. Deri të mërkurën në mbrëmje u raportua se më shumë se 65.000 familje në këtë shtet ishin pa energji elektrike.

Për herë të parë që nga viti 1989, një paralajmërim për stuhi u lëshua për malet e Los Anxhelosit, si dhe në Ventura e Santa Barbara.

Më shumë se 8.000 persona mbetën pa energji elektrike në Arizona.

Në veri të SHBA-së, një rajon i mësuar me stuhi të tilla, temperaturat mund të bien deri në minus 32 gradë celsius.

Raportohet se më shumë se 192.000 qytetarë osë familje në Miçigan dhe gati 89.000 në Illinois ishin pa energji elektrike të mërkurën në mbrëmje./REL





Lajmet e fundit nga