web counter
LEXO PA REKLAMA!

SHKARKO APP

App Store
Google Play

E fundit!

x

Stuhia e fuqishme dimërore godet verilindjen e SHBA-së/ New York ndalon udhëtimet

23 Shkurt 2026, 08:29, Kosova & Bota CNA

Stuhia e fuqishme dimërore godet verilindjen e SHBA-së/ New York

Një stuhi historike dimërore ka goditur verilindjen e Shtetet e Bashkuara të Amerikës, duke vënë rreth 59 milionë njerëz nën paralajmërime për mot ekstrem dhe duke shkaktuar ndërprerje masive të energjisë elektrike, anulime fluturimesh dhe ndalime udhëtimi në disa shtete.

Qyteti i New York City-t ka vendosur ndalim të plotë të qarkullimit, ndërsa shkollat janë mbyllur dhe rrugët, autostradat e urat janë të hapura vetëm për raste emergjente. Guvernatorja e New York-ut, Kathy Hochul, shpalli gjendje të jashtëzakonshme në të gjithë shtetin dhe mobilizoi Gardën Kombëtare.

Gjendje emergjente është shpallur gjithashtu në Massachusetts, Connecticut, Rhode Island, New Jersey dhe Pennsylvania. Autoritetet u kanë bërë thirrje qytetarëve të qëndrojnë në shtëpi dhe të shmangin çdo udhëtim të panevojshëm.

Sipas National Weather Service, reshjet e dëborës mund të arrijnë nga 30 deri në 60 centimetra, ndërsa në disa zona deri në 70 centimetra. Erërat pritet të arrijnë deri në 112 km/orë, duke rritur rrezikun për rrëzim pemësh, ndërprerje energjie dhe përmbytje bregdetare.

Deri tani, mbi 150 mijë persona kanë mbetur pa energji elektrike në rajon. Ndërkohë, rreth 5,500 fluturime janë anuluar në mbarë vendin, sipas të dhënave të kompanisë FlightAware.

Meteorologët e konsiderojnë këtë si stuhinë më të fuqishme që ka goditur rajonin në gati një dekadë, ndërsa kushtet e udhëtimit përshkruhen si “jashtëzakonisht të rrezikshme” dhe në disa zona “pothuajse të pamundura”./ CNA





Lajmet e fundit nga