web counter
LEXO PA REKLAMA!

SHKARKO APP

App Store
Google Play

E fundit!

x

Stërvitja e ushtrisë serbe pranë kufirit/ Kurti, thirrje ndërkombëtarëve: Provokim i hapur

19 Mars 2026, 12:14, Kosova & Bota CNA

Stërvitja e ushtrisë serbe pranë kufirit/ Kurti, thirrje

Kryeministri Albin Kurti ka dënuar stërvitjet e ushtrisë së Serbisë me helikopterë dhe parashutistë në afërsi të kufirit me Kosovën, duke i cilësuar ato si shfaqje të rrezikshme të agresionit.

Në mbledhjen e pestë të qeverisë, Kurti tha se njësia që po ushtronte pranë Kosovës është e njëjta që ka trajnuar ish-kriminelin Milan Radoiçiq.

Ai shtoi se veprimet e tilla, veçanërisht në zonat e banuara me shqiptarë në komunën e Bujanocit, përbëjnë trysni dhe tentojnë të frikësojnë banorët.

Kurti gjithashtu akuzoi Serbinë për përdorimin e ushtrisë si mjet shantazhi në rajonin e Ballkanit, duke përmendur edhe blerjen e raketave nga Kina.

Ai bëri thirrje për qëndresë ndaj provokimeve dhe i kërkoi komunitetit ndërkombëtar të marrë masa kundër Serbisë.

“Jemi thellësisht të shqetësuar me demonstrimin e pajustifikueshëm ushtarak të Serbisë, me helikopterë e parashutistë në zonat e banuara me shqiptarë në komunën e Bujanocit, fare pranë kufirit me Republikën e Kosovës. Një shfaqje e tillë e forcës ushtarake mbi shtëpi, shkolla, qendra të mjekësisë, përbën jo vetëm trysni, nxitje tensioni dhe përpjekje për t’i frikësuar banorët atje, e cila ka vite që po përballet me spastrim etnik administrativ nga regjimi autokrat në Serbi, por tregon edhe një provokim të hapur ndaj shtetit tonë të pavarur”, u shpreh ai./ CNA

 





Lajmet e fundit nga