web counter
LEXO PA REKLAMA!

SHKARKO APP

App Store
Google Play

E fundit!

x

Shqipëri-Kosovë, mbledhja e dy qeverive me 24 qershor në Prishtinë

3 Qershor 2022, 18:58, Kosova & Bota CNA
Shqipëri-Kosovë, mbledhja e dy qeverive me 24 qershor në
Foto ilustruese

Qeveria e Kosovës dhe ajo e Shqipërisë do të zhvillojnë mbledhjen e rradhës, me 24 Qershor. Mbledhja do të zhvillohet në Prishtinë dhe qeveria Kurti ka nisur përgatitjet për të.

Kryeministri Albin Kurti në mbledhjen e fundit u ka kërkuar ministrave përkatës që draft-marrëveshjet t’i kenë të gatshme deri më 10 Qershor.

Por deri më tani ende nuk është saktësuar numri i marrëveshjeve që pritet të nënshkruhen në këtë mbledhje. Që prej nisjes së kësaj iniciative, nga 13 marrëveshjet e nënshkruara, 8 prej tyre tashmë kanë arritur rezultate. Ndërsa 4 marrëveshje të tjera, për të cilat po punohet në aspektin teknik të tyre. Për shembull, lehtësimin e procedurave të kalimit të kufirit në Vërmicë dhe studimi i fizibilitetit për segmentin hekurudhor Durrës-Prishtinë.

Qeveria e Kosovës dhe ajo e Shqipërisë që nga viti 2014 mbajnë mbledhjet e përbashkëta ku premtohet në vazhdimësi për bashkëpunim të ndërsjellë dhe nënshkruhen marrëveshje në fusha të ndryshme. Këto marrëveshje kanë pasur për qëllim një qeverisje të përbashkët strategjike, në veçanti eliminimin e barrierave tregtare mes dy shteteve.

Por, shumë herë qeveritë janë kritikuar se marrëveshjet e nënshkruara kanë mbetur vetëm në letër, pa u zbatuar në praktikë. Ndërsa nuk kanë munguar as kritikat nga Serbia, të cilat pretendojnë se këto takime synojnë bashkimin e Shqipërisë së Madhe./CNA.al





Lajmet e fundit nga