web counter
LEXO PA REKLAMA!

SHKARKO APP

App Store
Google Play

Shqetësime për sigurinë/ Gjermanët dhe austriakët ndërpresin kërkimet e tërmetit në Turqi

11 Shkurt 2023, 22:32, Kosova & Bota CNA

Shqetësime për sigurinë/ Gjermanët dhe austriakët

Trazirat në Turqinë jugore kanë ndërprerë përpjekjet e shpëtimit pas tërmeteve tragjike.

Shpëtuesit gjermanë dhe ushtria austriake ndërprenë operacionet e kërkimit, duke përmendur përleshje të regjistruara midis grupeve të paidentifikuara.

Deri më tani janë arrestuar 48 persona për grabitje e plaçkitje dhe për sekuestrime armësh, gjë që ka vënë në pikëpyetje sigurinë.

Presidenti i Turqisë tha se do të përdorte fuqitë emergjente për të ndëshkuar këdo që shkel ligjin.

Një zëdhënës i ushtrisë austriake tha se përleshjet në provincën Hatay kishin detyruar personelin e Njësisë së Ndihmës ndaj Fatkeqësive të Forcave Austriake të ndërpriste punën.

"Ka një agresion në rritje midis fraksioneve në Turqi. Shanset për të shpëtuar një jetë nuk kanë asnjë lidhje të arsyeshme me rrezikun e sigurisë", tha nënkoloneli Pierre Kugelweis, raporton BBC.

Disa orë pasi Austria ndërpreu punën, ministria e mbrojtjes së vendit tha se ushtria turke kishte ndërhyrë për të ofruar mbrojtje, duke lejuar rifillimin e operacioneve të shpëtimit.

Ndërkohë, ekipet gjermane, të cilat po ashtu kanë ndërprerë punën për shkak të sigurisë, thanë se do të rifillojnë punën sapo autoritetet turke ta konsiderojnë situatën të sigurt.

Ndërkohë, kujtojmë se numri i viktimave nga tërmeti në Turqi dhe Siri ka tejkaluar 25,000 dhe shpresa për të gjetur më shumë të mbijetuar po zbehet./ CNA.al





Lajmet e fundit nga