web counter
LEXO PA REKLAMA!

SHKARKO APP

App Store
Google Play

E fundit!

x

Shpërthimi i vullkanit në Islandë/ Llava mbërrin në qytet, digjen shtëpitë

15 Janar 2024, 08:16, Kosova & Bota CNA

Shpërthimi i vullkanit në Islandë/ Llava mbërrin në

Shpërthimi i vullkanit në Islandë ka sjellë dëme të mëdha për qytetin Grindavik. Të gjithë banorët e këtij qyteti janë evakuuar. Rruga kryesore për në qytet është ndërprerë nga rrjedha e llavës.

Duke iu drejtuar kombit në një transmetim të drejtpërdrejtë të dielën në mbrëmje, presidenti i Islandës, Gudni Johannesson, u bëri thirrje njerëzve që të qëndrojnë së bashku dhe të kujdesen për ata që nuk mund të jenë në shtëpitë e tyre.

Ai tha se shpresonte se situata do të qetësohej, por paralajmëroi se çdo gjë mund të ndodhte.

Zyra Meteorologjike Islandeze (IMO) tha se barrierat ishin thyer në disa vende, duke lejuar që llava të arrinte në qytet dhe më pas u dogjën shtëpitë dhe ndërtesat.

Nuk kishte asnjë indikacion për ndërprerje të fluturimeve të brendshme apo ndërkombëtare pas shpërthimit.

Njerëzit që ishin kthyer në Grindavik, në Islandën jug-perëndimore, pas shpërthimit të mëparshëm u detyruan të linin shtëpitë e tyre edhe një herë.

Gazetari Robin Andrews ka deklaruar se shpërthimi i vazhdueshëm është një "situatë jashtëzakonisht e rrezikshme dhe e dëmshme" tani që llava ka hyrë në qytet.

Duke folur për "BBC", ai vuri në dukje se derdhja e lavës nga dy çarjet aktuale nuk tregon asnjë shenjë ngadalësimi.

Ai paralajmëroi se pasojat e shpërthimit mund të rezultojnë mjaft problematike për njerëzit me probleme paraekzistuese të frymëmarrjes, sepse aktiviteti vullkanik lëshon gazra të tillë si dioksidi i squfurit, i cili është një irritues për lëkurën, sytë, hundën dhe fytin.

Kryeministrja Katrín Jakobsdóttir tha se qeveria do të mblidhet të hënën për të diskutuar masat e strehimit për banorët e evakuuar.

“Sot është një ditë e zezë për Grindavik dhe sot është një ditë e zezë për të gjithë Islandën, por dielli do të lindë përsëri”, tha ajo.

"Së bashku do të përballemi me këtë tronditje dhe çfarëdo që të ndodhë. Mendimet dhe lutjet tona janë me ju."

Niveli i alarmit të vendit është ngritur në emergjencë, është më i larti, me tri nivele që sinjalizon se mund të ketë një kërcënim për njerëzit, komunitetet, pronës ose mjedisit.

Shpërthimi i së dielës është i pesti që ka ndodhur përgjatë gadishullit Reykjanes që nga viti 2021./ CNA





Lajmet e fundit nga