web counter
LEXO PA REKLAMA!

SHKARKO APP

App Store
Google Play

E fundit!

x

Shefi i IAEA: Sulmet ndaj objekteve bërthamore të Iranit kanë shkaktuar dëme të mëdha

23 Qershor 2025, 22:50, Kosova & Bota CNA

Shefi i IAEA: Sulmet ndaj objekteve bërthamore të Iranit kanë

Shefi i OKB-së për energjinë bërthamore, Rafael Grossi ka vlerësuar se sulmet ushtarake nga Izraeli dhe Shtetet e Bashkuara kanë shkaktuar dëme të konsiderueshme në objektet bërthamore të Iranit.

Rafael Grossi, në një takim urgjent të bordit të Agjencisë Ndërkombëtare të Energjisë Atomike (IAEA) organi mbikëqyrës bërthamor i OKB-së tha, se krateret e shkaktuara nga bombat amerikane që depërtojnë në tokë ishin të dukshme në Fordoë, gurthemeli i programit të pasurimit bërthamor të Iranit.

Izraeli tha se, Teherani ishte afër zhvillimit të një arme bërthamore.

SHBA-të bënë të njëjtin pretendim ndërsa hynë drejtpërdrejt në konflikt të shtunën, duke goditur tre objektet kryesore bërthamore të Iranit: Fordoë, Natanz dhe Isfahan. Presidenti i SHBA-së Donald Trump pretendoi se sulmet kishin shkatërruar të tre centralet.

Grossi shtoi se “askush, përfshirë IAEA-n, nuk është në gjendje të vlerësojë plotësisht dëmin nëntokësor në Fordoë”, pritet që ai të jetë shumë i madh”.

Kjo për shkak të ngarkesës shpërthyese të përdorur dhe natyrës ekstreme të ndjeshme ndaj dridhjeve të centrifugave.

Shefi i IAEA-s theksoi gjithashtu se objektet në Natanz dhe Isfahan u bombarduan nga avionët luftarakë amerikanë dhe raketat Tomahaëk dhe u dëmtuan gjithashtu.

Në Natanz, tha ai, SHBA-të goditën një impiant pasurimi karburanti. Në Isfahan, shkatërruan disa ndërtesa, përfshirë disa të lidhura me procesin e konvertimit të uraniumit, ndërsa u goditën hyrjet e tuneleve të përdorura për të ruajtur materialin e pasuruar./ CNA





Lajmet e fundit nga